網誌分類：隨心隨身 |
再講班長事件~
可能人際關係唔差,而且貓貓真係做得麻麻地
而家勢頭唔錯
雖然玩我成份偏多,不過勉強都可算係人氣高漲
班長其實唔算係咩大不了既職位
但多數係擦鞋仔或者D古古怪怪既人偏多
但我呢種「親民型」既班長就只係少數(算唔算呢囧?)
而且真係確實咁去推倒一個班長都幾新鮮
加加埋埋都算係我既有利因素既
貓貓佢今次真係自己做得唔好
加上呢類書呆子人氣一直唔會好高
揀得佢做班長之前都係因為佢做到野姐...
咁宜家做差左比人推翻都唔怪得人
我代入佢立場睇既話,
我反而會覺得有一個更好既人為本班服務會更加開心
不過貓佢自己鑽牛角尖囉
其實我做班長雖然玩野偏多,
但都想証明比大家睇自己有一定能力可以真係「貢獻下」
或者比佢有個挑戰對象等佢可以跟手做番好
如果因為佢自己做得唔好
我接任試用而嬲左我既話我真係好無奈
唉...貓貓...你自己諗諗啦...
班長個位置講真我唔想長做~都冇興趣同人爭野
不過如果你睇我唔順眼既話
我一定會做得更好,更親民...而令到你!!
咳咳...
總之我唔認輸都唔怕輸...你夾硬要鬥既話我一定賞面...
大愚 2007-10-09 19:37
其實我冇嬲你，講真，你真係做得好過我好多，呢一點大家有目共睹。我呢幾日唔開心，又唔講野，係因為我諗左好多野，我諗緊自己到底錯係邊，我諗緊點解個個都話我做得唔好。而最緊要ge係，「你可能唔係做班長的料子」呢一句說話，呢句話對我ge打擊真係好大，因為我一直都好相信我自己ge能力，我覺得自己做得唔錯，但係我發覺唔係，原來我係你地心目中，係第二個黃金甲，呢一點我真係好難接受到，我真係唔敢相信呢一個事實。請給我一段時間接受......