暖笠笠 - 滑雞煲仔飯

阿囡要求食煲仔飯...老公唔返嚟食...兩母囡大食仔上身...清咗煲飯不突止...仲加一碟西蘭花...一碗栗米湯...ho~ ho~



滑雞煲仔飯食譜

材料：

雞                            半隻（斬件）

米                            1杯半（米與水比例：1：1 至 1：1.5）（睇用咩料，汁多用少水，相反用多水）

 

做法：

（1）米洗淨後用水浸半小時。

（2）雞件用生抽、老抽、糖、酒、醃半小時。放入煲前用生粉撈匀（咁啲雞就滑一滑啦）。

（3）在煲底薄薄掃一層油，開大火燒下個煲至有少少煙，將米和水放入煲，用大火煲滾較中火，加蓋至飯開始收水（約4-5分鐘度），當睇到飯表面有一個個洞，下雞件和薑絲加蓋煲5分鐘（其間不要再開蓋），熄火再焗5-8分鐘。完成~

豉油：

老抽        2湯匙
生抽        1湯匙
冰糖        1湯匙（可改用砂糖）
水            4-5湯匙

雞粉        1茶匙（可不加）
做法：慢火煮滾便可。