我的偶像

係小學六年班既大除夕，我係電視睇日本唱片大賞同埋紅白，見到有個好活潑既男仔身穿全身金色既連身衫，頭帶金色頭 "cool"，唱緊一首好輕快既歌，由果刻開始我已好鍾意佢，我留意佢既新聞，慳慳埋埋d零用錢買佢既唱片、寫真集、雜誌………！成間房都貼滿佢既海報，每本書都用佢既相做封面，日日要聽過佢d歌先安落 (唔知係咪每個少女都係咁迷偶像？)

佢慢慢係香港都好受歡迎，有佢既電影、佢黎香港開演唱會，我睇足兩場，仲加入埋佢既歌迷會，好 crazy啊！不過我好 enjoy。日日放學第一時間衝去金都睇下有冇佢d新野，日本雜誌就個個月買三本一定冇走雞，佢d product 就一定會買！

之係可能日本熱潮減退，大家開始鍾意 leslie同 alan，但我都一直都留意佢既消息，係來係一次既歌唱比賽，佢再次來港做表演嘉賓，但果次佢比記者同大家既印象好負面，大家開始討嫌佢，開始遺忘佢。

再之後既某年又因為佢前女友係佢屋企自殺不遂，以致佢有段時間絕跡表演行業，轉移發展佢既賽車事業，再加上香港既傳媒或歌迷已經唔再追捧日本偶像，所以係呢段時間係好難再搵到佢新聞！

直至有互聯網既出現，而家可以好易係網上 search 到佢既資訊，仲可以係網上訂佢既 CD, 而且我偶然係一個討論網度知到原來係香港仲有佢既支持者！大家都係從小都好鍾意佢，大家都好有共鳴，勾起好多回憶！

今年係我偶像出道30週年，我希望佢永遠都會係呢個表現事業上訖立不倒，我永遠都支持佢架！

呢隻係我最新訂既 DVD，係佢上年既 CONCERT，仲 KEEP 得好好，好型啊！