Day 2 - 吃喝篇

之後我地就搭車去地鐵站,搭左架wan仔, 坐晒6個人, 點知未去到地鐵站就係樂園鐵閂口放低我地, 佢個出閂要比錢, 吾想出, 加上行兩步就到地鐵站, 叫我地下車, 有無搞錯呀, 要比$20~之後我勁興, Martin話算啦, 一人讓一步, 比$15, 咁我咪比$20佢找, 點知佢無散紙, 咁我咪攞返$10, 話佢無錢找就收$10啦~佢話吾制, 我之後話吾制都吾得, 我地都無散紙wor, 大家真係無架, 除左我之外, 最後我吾想再同d無為人嘈, 晒我d時間, 我就比多$5佢, 仲加多左一句, 無錢找比人吾好揸車啦, 錢都無揸咩車呀~佢即刻無聲出~條氣順晒!!!

鬧完人之後覺得好肚餓, 我同臭豬提意去食Pizza, 又平又好食, 佢地話ok~咁我地搭車去長壽路站啦~落車之後大約行左15-20分鐘, 我地就到左啦, 原來下九路開左間新鋪, 真係好啦, 吾駛再行去上九路個間, 個度已經有好多人排隊, 之後我叫佢地行下, 我同臭豬等就ok, Debbie話好累吾去, 其他人就去晒行街街, 結果15分鐘左右就有枱, 我地即刻call佢地返黎~

7:00pm食晚飯時間, 我地怕等得奈, 所以叫野食先, 叫左3個肉醬多利亞飯, 1個番茄海鮮利梭多飯, 2個蒜香蝸牛, 1個金槍魚Pizza同1個香辣烤腸Pizza, 呢d野全部都好好食, 係我以前係廣州食開架, 好回味呀~之後每人都加左個汽水任飲, 大家都食得好飽, 仲話好好味, 幾驚佢地話我地自把自為叫晒d野呀~好彩佢地都好滿意, 埋單都係$144, 超值!!!

食飽飽都係7:30pm, 我地係附近行左一陣, 仲去左一間餅鋪, 佢地買左d喜餅返屋企比家人食, 好似d自由行係香港狂掃貨咁, 比佢地激死!!行左半個鐘, 大家都好累了, 所以我地就搭地鐵返去廣州東啦, 去到個度8:45pm, 點知無車, 要等到9:15pm先有車,唉….我地唯有係火車站d商鋪睇下野, 之後我地仲係”黃振龍”飲左杯班沙, 好似香港的”24味”咁, 大家仲影左個苦樣, 勁好笑, 差吾多時間我地就入閂啦, 正正式式要同廣州講ByeBye啦~

咪住…..吾好以為我地嘅開心之旅咁快完結呀, 上到火車之後, 我地同人換位, 剛好可以坐係六人坐位度, 仲有張枱tim, 有枱梗係鋤d啦, 之後吾知點解車箱有陣怪味, 我地6個即刻帶口罩, 仲無聊到影埋相, 乜都玩得一餐, 哈哈~大約10:30pm, 我地終於返到深圳啦, 大家帶住沉重的背包穿過兩地關口, 當我踏上香港的火車時, 我才真正感覺到2日1夜嘅長隆開心之旅正式劃上完滿的句號!!!!