網誌分類：香港以外 |
圖片
網誌日期：2009-11-30 16:30
買完球衣之後本來想係球場既 Red Cafe 食個 lunch，但係佢話無位喎，叫我地十五分鐘再返去，咁我地就去參觀 Museum 先啦，一入去見到既就係專係擺傑斯ｄ野既專櫃，之後就係好多好多既獎杯，見證左曼聯既輝煌成績！我臨走就用兩個 1 penny 壓左兩個奧脫福既球場硬幣，呢個係我最鍾意既紀念品！
參觀完返去 Red Cafe 就有位喇！其實頭先我見佢有好多位淨架，到我而家去都係一樣咁多位，點解頭先唔俾我地呢？我之後諗可能係佢見人客有番咁上下人數，坐爆既話一定起唔切ｄ食物，所以佢寧願叫人客轉頭再黎好過人地入坐左之後要等食物咁啩！
一坐低見佢ｄ櫈背有唔同時期球員既名，當然唔少得碧咸啦！個 Menu 同餐巾都有曼聯 logo，真係令我地無比興奮！仲有電視一路播番前一日打吡場波，我地叫左一份 Fish & Chips 同一份牛扒，一路食一路睇波！呢餐我地係算食得好架喇！
食物黎到之後我地就做左ｄ好多香港人都會做既事，就係將ｄ野一分為二 Share 黎食！有少少失禮！
食物幾好噃，侍應小姐又親切，而且又唔係好貴，兩個 main courses 加兩杯可樂都係 23 鎊左右，比我想像中便宜喇！因為以為呢ｄ球會餐廳真 Gur 人架嘛！
食完午餐之後就要離開我地既 Theatre of Dreams 喇！係大門口再影幾相，又搵下ｄ刻左ｄ重要人物個名既地磚，就真正離開奧脫福喇！希望我會再有幾會黎呢度，再欣賞你地既足球賽事！
因為我地買左 MetroMax ，全日任搭 Metro，咁我地就諗住遊 Metro 河！先去 The Quays，呢度既風景都唔錯，好舒服，好寧靜！連我細佬都話如果係呢度生活都幾好，weekend 又可以入場睇波！但係真係諗下好喇，呢度生活咁貴！
之後就諗住搭返 Metro 去市中心行街，點知原來市內既 Metro 網絡有工程，好多站都唔用得，要轉接駁車，嘥左ｄ時間！
去到市中心又見到個小型摩天輪，我細佬又竟然話坐喎！咁又傻下傻下咁去坐啦，因為個摩天輪好快就玩完，我地幫佢改左個夠叫 『快轉三個圈』！
坐完摩天輪後就入去商場行下，但都無咩野啱睇，而且我地都唔好 shopping 呢家野，所以行一陣，去馬莎買左ｄ手信就走 lu～
我地搭市內一ｄ免費既巴士返酒店，好方便！
夜晚果餐都唔知食咩，就走去 supermarket 買三文治，發現原來佢有ｄ叫 Meal Deal 餐，包一份三文治，一支汽水同一個生果，都係兩鎊幾！好抵呀！咁我地就買左呢ｄMeal Deal 做是日晚餐喇！
