栗子炆雞

栗子炆雞

話說我哋一家三口都係熱底嘅人...

所以d咁溫補嘅餸...夏天真係唔多敢煮...

hehe...之但係入秋囉喎...

梗係嗱嗱啉整番餐嚟歎吓啦~~~

mnm~~~有栗子嘅甜...嘉美雞嘅滑...九層塔嘅香...

呢餐好滿足呀!!!

材料 :

栗子 1 斤             嘉美雞 1 隻

薑 2 片          獨子蒜、乾蔥各 3 粒        九層塔 1 棵

做法 :

• 煲滾水, 放已去殼的栗子, 熄火焗約10分鐘, 再將栗子放進凍水中去皮
• 雞洗淨斬件 , 用胡椒粉、酒和昆布豉油醃１小時
• 下鑊爆香薑、蒜和乾葱, 放雞件炒至轉色, 下栗子炒勻
• 加水至蓋過所有材料, 大火煮滾後下老抽、 糖調味
• 轉慢火炆約20分鐘 , 九層塔只取葉, 加入炒勻
• 下少許鹽調味即可！

温馨提示:

栗子先用熱水煮過, 再浸在凍水中...(冷縮熱漲的原理, 可快速去皮)

→剝出來的栗子肉也會很完整

但放在凍水中去皮的過程最好逐粒逐粒做...

否則整顆栗子冷卻後, 皮和肉又會黏在一起的了~~~