今次我想講下三位殿堂級歌手的歌藝.

三個女人唱得就唔在講,我相信一般男女歌手唱歌一定要用咪,仲要超貼近嘴邊才能聽到歌手的歌聲.

但凡事都有例外,竟然有人在紅館開演唱會可以唔洗點用咪,葉麗儀大多時間唱歌都把咪放於心口位,但一點也沒影響音色的發揮,肥媽仲勁,竟然將咪放於小腹位置,但一樣中氣十足.唱爆紅館,這才叫實力非凡.

作為歌手唔走音係基本條件,唔走而唱得有板有眼只可說是歌手本份,但現在的年青人對歌手的要求都降低了許多,低到連什麼叫識唱歌的界線都不清楚了.

今次演唱會另一驚喜之處..............

葉麗儀,陳潔靈&肥媽與一隊用口扮演不同樂器的樂隊唱出二首全新編曲的英文歌Woman In Love & unchained melody,用口扮的樂器加從新編曲簡直係估佢唔到咁特別,聽前奏簡直估唔到係乜嘢歌.你都咪話老餅唔upday.

當三人唱出從新由倫永亮特別為是次演唱會編曲的輝煌年代金曲,肥媽主要唱男聲,葉麗儀,陳潔靈就更係唱女聲.當三人合唱時,葉麗儀和陳潔靈二位巨肺差點給肥媽的歌聲掩蓋.

陳潔靈~感情豐富,高,低音都唱得好靚又懂搞爛gag.

肥媽~中氣十足,唱歌可以唔用咪,搞gag有一手.

我的最愛............葉麗儀~演唱中,英金曲不溫不火,恰到好處,夠中氣又唔過火.

[ miss chanchan同肥媽把聲同氣量都好勁,不過,壓台既,始終係葉麗儀

一班狂踩香港樂壇,以為梅姐籮記哥哥過左身就冇人識唱歌,冇人識壓台既人,唔該請你地聽一聽葉麗儀既live

唔好話佢係上一輩既歌手,佢係演唱會都講明,佢仲未退休

乜野叫好歌,乜野叫靚聲,乜野叫壓台,葉麗儀一出,上海灘一奏,你就會有答案.

                                                                                                選自網友:  大腳傳中 ]

好希望是次演唱會主辦單位可以發行DVD,好讓這個珍貴而難得的演唱會能給我們一班知音人再三回味.