良心 vs 真相??

琴晚一落機發覺網上對miu miu受傷事好大回，有人係我個blog留言叫我睇，亦有人叫我將條link轉貼..

寫呢篇blog前有朋友叫我小心比人咒，心想係自己日誌寫所見所聞以及心中所想，有何不當？如非我父母親，大家各不相識試問誰又有資格?

首先，認識我人都知我好愛sugar，對於miu miu今次事，作為愛犬之人亦感心痛，真心希望miu miu能夠盡快康復！

我同miu媽唔算認識，至於係PP，我身份係一名顧客，請大家不要說三道四說什麼die hard fans. 由sugar5、6個月大，我就選擇PP幫sugar grooming.原因只係想一間環境好又安全美容地方比女女，至今已經兩年多，而對PP所提供service可謂十分滿意，對我來說個妝剪得好唔好唔係首要，最重要係"安全"! 一直以來我對PP都好有信心，好放心將女女交托比佢地。

今次事四周鬧得熱烘烘，我心裏一直問解係miu媽"良心"一blog中，有咁多唔理智回應及人生攻擊！而最可笑係回應人都不在現場，心中明白一隻可愛小狗受傷了的確使人心痛，但係大家各執一詞，唔清楚事實人就一面倒中傷別人，甚至反應過激，實在使人摸不頭惱？如果要回應的話，我想我比佢地更有資格。

由miu miu當日有份參加Tiffany生日會到PP grooming，我都在場。由於sugar係生日會後到PP沖涼，我係等待期間見到miu媽前來接miu miu，亦親耳聽到miu媽和Nicky的對話，由於好奇心驅使下(而且舌頭受傷咁大件事)，我和友人不約而同上前觀察miu miu的脷，而miu媽blog入面說當時身邊嘩然四起的人正是我和友人。我當時看見miu miu伏在miu媽身上，我眼中miu miu當時好平靜，但舌頭伸出來時中間有一血，但缺少舌尖的左右部份好平滑，亦沒有流血，我記得miu媽當時知道miu miu舌頭受傷，還問Nicky用那一款shampoo較好，她放低miu miu時我地見miu miu在店內走來走去，感覺沒有異樣。那時我還和友人討論難道miu媽知道miu miu一向有咬習慣? 要不然怎會如斯冷靜。

可能又有人會話我偏幫店主，但當時我的確在店內，CCTV見到miu媽接狗時有一穿黑色衫行過個就係我。我並唔係要偏幫任何人，我比任何回應"良心"一文的人更關心此事的真確性，大家不要忘記我係PP顧客，我的心肝寶貝女每星期都要上去grooming，如果事情真的如此，難道我會將女女送去冒險?

係呢件事情上，我並無任何利益關係，識得我人都知，每次上PP我都付足金錢，從來沒有討過任何好處！寫呢篇日誌原因，係唔想再有人為呢件事被人唾罵、以及人生攻擊！作為局外人理應冷靜、理智，何解要說些傷害人的話呢？請不要受一小部份"有心人"利用，此事何不交回miu媽及店主雙方處理? 最後，在此為miu miu送上衷心祝褔！