今晚食乜餸 17/5

今早, 帶了我平時帶開的 "環保袋" 外出,

先吃早餐, 後走入 "又濕漉漉" 的街巿去,

買了今晚要食的餸菜材料.

1) 老火湯 (花旗參 / 紅蘿蔔瘦肉湯)

材料 : 花旗參 (隨意), 紅蘿蔔 1 個, 瘦肉隨意, 蜜棗 3 粒

預備 : 瘦肉以大滾水汆水備用

做法 : 將所有材料放入煲內, 大火轉細火, 約煲3個小時左右, 加入調味便可以飲用. 

2) 清蒸魚 

材料 : 立魚 1 條, 薑葱少許

預備 : 先將魚清洗乾淨, 放上薑絲.

做法 : 蒸熟後, 去魚水, 放上預備好的葱花, 再以滾油淋上, 加入豉油便可上枱.

3) 蝦子白菜

材料 : 大白菜, 蝦子少許, 薑蒜少許

預備 : 將大白菜切度, 洗淨後備用

做法 : 先放薑在滾油內, 後放大白菜去炒, 加入調味, 最後才加上蒜蓉去炒, 直到菜炒熟,

上碟, 最後才放上早預備好的 "蝦子" 淋在菜面上, 便可上枱. 

4) 水瓜煮肉

材料 : 水瓜 2 條, 瘦肉 / 魚片, 薑 / 蒜少許

預備 : 水瓜先刨清皮, 再切片備用, 瘦肉切片加入調味料備用

做法 : 滾油後加入蒜蓉起鑊, 先後次序落肉片, 第 2 放入魚片, 半熟後, 最後才加入水瓜

炒到所有材料熟為止, 便可上碟上枱

p.s. 注意, 水瓜不用加入清水, 原因, 水瓜炒熟會炒出汁水.

5) 蒸雞翼

材料 : 雞翼, 蕃茄, 薑 / 蒜少許

預備 : 雞翼以大滾水汆水, 後加入調味料去醃片刻, 再放在碟內等候去蒸.

做法 : 雞翼放在鑊裏約蒸 10 ~ 15 (示乎雞翼數量多寡), 碟內的汁液用碗盛好備用,

至於蕃茄, 炒數分鐘後, 加入調料, 再將盛好的汁液倒入鑊, 與蕃茄一齊炒,

當熟後, 再加入 "豆粉芡" 令汁液稠後, 便可上碟.