今晚食乜餸 (3/15)

今日的餸菜, 除了老火湯早已決定, 其他的可以講得幾難想,

唔知食乜餸, 再加上突然接到朋友電話, 稍後外出午膳,

於是匆匆的外出去街巿買餸, 最後決定了晚上的餸菜.

1) 蘋果湯 (因為發現家中有很多, 於是只用了蘋果)

材料 : 蘋果 6 個, 瘦肉 (隨心), 蜜棗及南北杏 (少許)

預備 : 瘦肉汆水備用, 蘋果一開四, 去心去核備用

做法 : 將所有材料放入水裏, 大火滾後轉細火, 煲 3 個小時, 後加調味, 可飲用.

效用 : 滋潤, 有益.

2) XO 醬炒薯仔條 (鳴謝好友 KittyAhn)

材料 : 3 個薯仔, XO 醬及蒜頭少許

預備 : 薯仔去皮切幼條

做法 : 以蒜頭起鑊, 炒薯仔, 加入調味後加少許清水, 將近熟時加入 OX 醬, 炒至接近

收水後, 便可上碟.

p.s. 如不食辣, 可不下, 但如嗜辣, 可多加醬, 或加辣椒醬.

3) 涼瓜燜排骨

材料 : 泰國白涼瓜 (長形), 腩排骨 2 條 (隨心), 蒜頭/豆豉 (少許)

預備 : 涼瓜開邊去核備用, 蒜頭/豆豉拌碎備用, 排骨洗淨加入調味料醃

做法 : 先爆香蒜頭豆豉, 再落排骨, 去炒幾分鐘, 之後加入涼瓜一齊炒, 加少許清水,

再加調味, 大火去燜, 直至排骨熟, 便可上碟.

p.s. 我習慣加片糖去燜, 雖帶甜, 但好好味 

4) 清蒸魚

材料 : 鹹水魚一條 (唔知魚名) 薑 / 葱 / 芫茜少許

預備 : 加薑絲放在魚面

做法 : 蒸熟後, 加上葱, 芫茜, 以大滾熟油淋上面, 再加豉油.

p.s. 避免魚唔熟, 在魚面切開 1 刀, 可令魚快熟. 

5) 豬肝, 蛋花煮蕃茄

材料 : 豬肝, 雞蛋 2 隻, 蕃茄 4 個, 茄汁

預備 : 洗淨豬肝, 刴碎再加調味料醃備用, 雞蛋拌成蛋花備用, 蕃茄開邊備用

做法 : 先炒蕃茄, 加清水後, 再加調味料去煮, 大滾後加少許茄汁,

再加入已醃好的豬肝, 去煮, 熟透後, 加上蛋花, 記住要不停的搞, 最後加入豆粉芡,

上碟, 加葱花.

p.s. 可做拌飯, 即撈飯, 很適合小朋友食用, 營養又高, 因加入豬肝