動漫 09'

琴日去咗動漫節，其實就無咩啱我，只係因為去開香港區、又有 pass，咁咪去行吓囉（真係貪佢免費，仲使排隊入場咋！），不過真係好多人，熱門 d 嘅檔口都排晒長龍，好彩唔關我事！我嘅收獲就係試飲咗新科技嘅冰冰雪碧（會場限定試飲價十五蚊，只係貪得意，其實好搵笨！）、加埋同小雲合照，証明到此一遊！

本來琴日八月一號係戒口期滿，應該即刻去食番好掛住嘅牛肉同海鮮，不過出到銅鑼灣，就梗係要去食我嘅至愛排骨飯啦，但係我居然琴晚先發現佢有雙排飯（即係 double ribs 呀！），可以食多 d 排骨，真係蠢咗添！