Power Bar水陸兩項聯賽3~淺水灣

2009/11/01

聯賽最後一站，地點~淺水灣

路程~游400跑5k再游400跑5k。

去片.................賽前好友合照。

陳伯遲我3分鐘開賽,但是開賽前佢話要界我,於是我計一計條數,真係有機會喎,所以臨時轉番用蛙式,費事上水時比佢捉住就肉酸啦,最後終於避過一劫,9'22完成400.

但是都被部份下一組選手過頭,同時岸上有反光衣美少女,不停搖她手上的鈴鈴,讓選手辨別方向,可是那聲音與救生員用的太相似了,我仲以為有好多人浸親添.

好在賽前同會長夫人單咗聲,先能夠捕捉到我轉項時的過程,不過阿嫂夫人的連環快拍又確實幾犀利嘅.

响大麻石上跑,係好痛架!

原來我轉項真係幾快架,大家睇吓同我一齊上水嗰鬼佬,佢仲响度著緊襪咋!

頭5k以22'07完成,途中過咗39人,亦比9人過咗,有賺!

跟住用乜嘢式好呢?

今番轉項用咗1'07",留意反光衣女士又用鈴聲向我招手哪,今次佢驚我跑錯方向,其實我就响度揀條靚啲嘅路跑啫!

落水前見到領袖夫人,更要擺個post上鏡啦.

跟住呢400首次運用勾車技巧,即係跟人游,食水流,原來慳力好多,仲可以用蛙式跟住一位唔算快嘅自由式添.

就係跟住旁邊呢位選手,好慳力之下400米游9'32.

最後5k都幾曬,感覺有啲辛苦,但是都過咗11人,而被6人過咗,都有賺!

點解要將終點設於沙灘上呢?攪到我對鞋入晒沙了,點洗呀!

睇吓後面有無鬼先,5k以22'27完成.總時間1:05'

賽後合照,今次好叻,無頭痛,可以响白天練跑了,yeah!!!

總名次69/142，分組18/37,

在此多謝兩位阿嫂靚相,同埋恭喜會長,根哥,money,阿基,安哥得獎.

三鐵賽告一段落,回顧過去一年成績普通,來年希望跟毅騰會操會有進步啦.現在要好好迎接本人的第二馬了.