Power Bar 水陸兩項聯賽2~南灣

2009-10-04

點解呢班其實唔係太熟，又來自唔同地方、階層，加上又唔同年紀ge人，會响淺水灣Pizza Hut坐埋一檯呢?

原來有人得冠軍，又有人初試蹄聲，又有人專誠到場支持，所以將這班唔係太熟，求開心多過求成績的人，聚首一堂。

點解Leo會學Money咁入錯終點線呢?佢自己都莫名其妙..........!!!

賽後消閒跑食聯隊合照

賽前同港版"辛康立利"與及一眾友人合照

因為驚無車坐，早餐未食就出門，攪到賽前1小時才進食，會長好心提醒我話d魚好喜歡食通粉，叫我小心D喎!

今次南灣賽事run 4k/swim 540m/run 4k，成績麻麻，時間47'17"，挑戰組共204人跑第93，分組48人第30，其實我計過尾果4k，我比9個人超前，但是又過左28人，即係已經反先左19名，否則總名次實過百。

這兩張係最後一圈極速衝線相片，無番咁上下技術都影唔到

這張是尾二果圈鐵媽响斜路頂影ge(都話唔好企呢到影架啦，你睇下個樣幾辛苦)

明明計過落水前排第47，點解游完兩圈自由慢泳後會變第112架，睇番巡邏影片先。

第一圈上水時仲好輕鬆兼有氣有力，只係擔心緊副Oakley仲响唔响岸邊，因為轉項時我唔記得除，落水又唔戴得，唯有埋响草堆博無人發現啦!(Sunny，幫我睇住呀)

大家留意，呢張相主要係影我游完第二圈上水情況，而我知道Leo已經亦步亦趨，其他人則唔關事。

但是行多兩步後竟然比人叫停，問我d自由式攪乜野咁慢，原來係港版"辛康立利"，佢仲乘機攬住我添，我唯有叫工作人員DQ佢囉~!大家睇下我個樣幾無辜!!!

至於呢張相我就想介紹下呢位.......................全場總冠軍(右邊那位)

多謝會長夫人、T跑手、Janice以及Johnny打氣兼靚相。

啊!又漏左佢地添!

8日3個比賽，以呢個比賽最開心，唔知點解，我覺得我個人越來越消閒