中銀香港第五十二屆體育節 – 2009 分齡組三項鐵人賽(奧運距離)

2009/05/10

0610時，參加了中銀香港第五十二屆體育節 – 2009 分齡組三項鐵人賽(奧運距離)，即係游1500/踩40k/跑10k，而值得紀念的是舊年這比賽正是我的第一個三鐵賽，當時經陳伯帶兵玩繽紛組，即今次的1/4距離。而奧運距離去年迪士尼第一次就玩左2:58'04"，希望今番能夠有突破。

今年同賽的老友包括:~精神領袖、sub-3狂人，仲多埋虎山火箭，不過今次培叔因傷以及Casa去旅行而休戰，但是培叔都到場打氣，加上唔理幾早開始比賽都黎撐場的好友:~RW、CW、石仔同損友，真係唔話得!!!

第一項係我強項(所以有壓力)，我特登唔落水住，因為我驚阻住其他人!

雖然我游蛙式，但是經過損友提點泳姿後我功力突飛猛進(我自己話)，沿途混响兩個自由式以及三個蛙式後面，我後面應該都有十幾人(又係我自己話)，750米時間19'40"，此時才領悟到損友的收腹挺蘿道理，隨即連過三個蛙人，緊接著兩個自由人後上水，1500米時間39'18"，快過迪士尼四分幾鐘，據石仔話我係游蛙式最快果個(全靠精神領袖唔同組,因為佢快我3分鐘.事後check過result,原來我係尾10上水)，加上舊年比賽史上未出現過的背蛙，我從此得到蛙皇這美譽(都係我自己話)。

赤腳跑左幾百米連轉項，都用左3'23"，然後踩新娘潭路，沿途全部上落斜(超辛苦)，好在架戰車換左幾樣裝備後穩定左，再加埋損友果兩課特訓，今次無比人拋開，我計算過，沿途比15人爬左頭，但是我又過番另外14人，都幾滿意!

今次全程都同個33號鬼佬單挑，落斜就我過佢，上斜就佢過我，不過原來佢跑步好堅(10k跑34分幾)，唔可以同佢鍊到最後，有d失望，40k連轉項時間1:22'50"。

落車順利，今次無抽搐，仲識慳時間邊推車邊飲水，可是番黎擺車時，個車位比人擺左而走過龍，去到四十幾號車位先番轉頭，好在T跑手同石仔嗌住我咋!

最後果10k跑水壩，玩完兩項仲竟然PB，時間42'52"(大會時間仲堅:41'44")，唔通對鐵人鞋發揮功能?我諗係條路短左少少，不過我係比阿鐵、阿光同小源呢三個跑36分幾嘅高手過左啫，但是我又界番8個喎，計落有賺!

總時間2:48'25"(大會時間2:48'26",分組第21名)，快過去年11月迪士尼10分鐘，非常開心，有此成績全賴損友支持，多謝晒!!!在此亦都要多謝精神領袖繼去年後再一次請食飯，多謝晒!!!

在此呼籲少女出年儘量抽空出席，因為我見有些鬼佬番黎轉項時，有老婆在車旁苦候，一見面隨即親嘴，到臨走時再黎個good bye kiss，好溫馨啊!!!