威哥生日飯局

尋晚約D朋友食飯, 因為威哥生日, 我地約左7:30pm去利苑等, 等ar......等ar......等左好耐都未嚟, 電話唔聽, 留言唔覆, 都唔知發生咩野事, 佢老婆都o係到一齊等架! 後來先知原來老婆幾日冇同威哥講野, 可能威哥唔知點樣面對老婆所以唔來啦! 佢老婆仲諗住食左餐飯就原諒佢啦! 點知佢玩性格唔嚟!我地等到8:30pm佢都冇嚟, 唯有今餐飯當聚舊啦! 有朋友仲專程去九龍塘買蛋糕送比佢tim! 

我地去左旺角利苑食飯, 細個時候, 爸爸成日帶我地一家去利苑食飯, 好耐都冇食過lu! 真係令人回味! 因為佢D餸同甜品都好好食架!

佢就係威哥個老婆Carmen啦! 佢依家陀緊第三個BB, 之前兩個係女, 唔知今次會唔會係仔仔呢! 威哥, 難為Carmen幫你生三個BB, 依家你玩性格, 我都唔幫你la!

主角冇嚟, 今餐當聚舊, 佢地已經相識11年lu!

Happy birthday to you, happy birthday to you,

happy birthday to 威哥, happy birthday to you!

我地留左個位比威哥坐同吹蠟燭

大合照都預埋佢一份, 真係唔話得啦!

其實2007年威哥生日都係放飛機, 我地有同佢慶祝生日, 不過佢當日要返工, 所以我地成班朋友去佢屋企BBQ等佢返嚟, 又係等, 等到半夜兩點都未返, 電話又係唔聽, 留言又唔覆, 我地唯有走人啦! 第二朝Carmen話比我地知佢去左朋友屋企打機, 放底左個電話聽唔到! 結果就係Carmen唔彩佢幾日啦! 2009年我地都要考慮下會唔會同你慶祝生日lu! 最後我都要講句多謝威哥先, 因為Carmen代威哥請我地食飯補數! Thank You!