訪問外國人

‧今日我做左一樣我覺得自己好勇敢既事，就係去訪問外國人啦

首先早上補完Maths，食完飯一點鐘就約埋同學一齊去

兩個人要訪問六至八個外國人，我地既目的地係尖沙咀

因為果到比較多外國人，我地兩個人浩浩蕩蕩出發，雖然開頭阻礙重重

有個管理員話碼頭附近唔準做訪問，又試過比外國人請食檸檬

當準備好哂相機筆記簿問題紙，附近連一個外國人都冇

反而自由行既就大把，行左好耐好耐就搵到一個外國女人

就鼓起勇氣上前問下可唔可以做訪問，開左個頭就容易得多啦

一連訪問左七個外國人，大部分都係女士，可能佢地個樣比較nice啦

而且全部都係白人黎嫁，因為我地覺得黑人好似比較得人驚

唔敢同佢地做訪問，我地係訪問當中遇到好多波折，例如做完訪問唔肯影相啦

影相果陣禁錯制，唔識用英文表達想講既野，聽唔明佢地講乜，等等....

最後搞左六個鐘先搞掂，宜家尖沙咀天星碼頭、海港城、半島酒店

文化博物館、太空館、星光大道附近所有既路我真係熟哂

超級辛苦，又熱又哂，行到對腳真係好攰，今日又曬黑左好多啦 >_<

。…。…。…。…。…。…。…。…。…。…。…。

‧番到屋企衫都未換又出街啦，因為今日成日都冇水，於是今晚出去食飯

一行六個人一齊去飲茶，呀哥出左糧佢請，呵呵

果間酒樓d野好貴呀，每人要收10蚊茶錢，仲要收加一服務費

一碟野要成$60幾，我地一共叫左四碟，一碟蛋白瑤柱炒飯，六隻帶子

一碟蒜蓉大蝦，仲有一碟芝麻肉排，我因為行左成日尖沙咀，真係超肚餓

我成左四碗滿滿既炒飯 ( 係茶樓果d細細隻既碗 )，一粒帶子

五隻蒜蓉大蝦，五舊芝麻肉排，真係超滿足，好耐冇試過食咁好既野啦

所有費用加埋，埋單要$370幾，真係好貴呀，從來都未試過咁奢侈嫁

第一次食帶子感覺好似食香口膠咁，第一次食咁咁咁大隻既蝦，正 !!

▁ ˍ ▂ ▃ ▄ ▅ ▆ ▇ █☻ The End ☺█ ▇ ▆ ▅ ▄ ▃ ▂ ˍ ▁