網誌分類：任何時候 也有五月天 |
而家諗返轉頭，先記起阿B未出世已經睇(聽)左兩場五月天CONCERT!
第一次係有左2個月時, O個時我都未知佢已經O係度.我同陳SIR&stephen專誠飛去台灣睇演唱會.
我超怕坐飛機, 咁就矇下矇下咁+好恐慌下大住肚坐左兩次 . 然後o個次係要係台北排超耐隊去攞門券，其實咁對大肚婆好唔好ga. 仲有, 聽演唱會時我係幾乎全部快歌都有起身狂跳！o個時冇跳左喆喆出黎都算好彩！
第二次係有左7個月時, 今次係紅館, 唔駛坐機. 我諗住唔怕啦咁近, 同埋今次乖乖坐係度聽, 死都唔起身. 點知d 歌超rock, d base震到我d羊水都震埋, 阿b仲係咁狂踢, 一唱快歌就怒踢, 有晒共嗚！最後只係聽左一半都係中途走左.....(嗚嗚) 但o個晚離開紅館後阿b都仲係好"興奮", 回想返o個次而家先識驚！因為可能咁樣會嚇到佢早左出黎 !!!
好彩兩次都有驚無險啦 ~
而家佢出左世啦, 會播多d莫札特補返數 : )
其實都唔知佢係咪聽得rock歌多,所以咁燥 ?
寶與芬 2009-10-20 23:08
我個b都係.... 生之前一個月左右同老婆去睇"變形金鋼",戲院入面好大聲,阿b當時係到狂踢,成個肚變左形....老婆嚇親,好似佢有好大反應咁....... 到以家出世後,阿b成日訓訓下會突然醒和喊,好似好驚咁.....我地有點內疚