敗家記

如果熟悉我既朋友, 又或者有add我facebook既朋友,
就會知道... 我上星期俾人偷左銀包同電話...
(詳情請各位唔好問了, 因為我已經交左俾警方處理)

今日打算去睇下銀包, (始終都要買個新架嘛~)
但結果銀包就買唔到, 但變左大出血一日遊...

約左cing姐去旺角等, 跟住去左西門町食野... ($41)
食完個lunch之後, 就同左佢去彩豐行八卦下~~
結果就大出血喇>.<"...
買左1枝peeling gel, 1樽hand cream, 1枝足浴液, 1盒body mask 同埋 1盒eye shadow...
咁就駛左$171喇~~ (嘔血了~)
之後走左去行潮區, 買左1條頸鏈 ($40) 用黎襯衫...
跟住去左中南, 買左1枝退色筆, 1個file... (一共$16)
雖然冇耐之前先食完野, 但已經勁口渴~~ 貢茶我來了!!! ($14)
下一站就係Missha... 買左美容班用既2枝甲油, 1個筆刨... (咁又$106)
行完Missha之後去左旺角中心上面行... 買左隻要黎襯衫用既錶... ($38)

財散人安樂呢句說話果然係真gei~~
散左咁多財之後, 當然要乖乖地返沙田啦~~
去到大圍又走左去篤野食... ($14)
(原因係太晏食lunch.. 又飲完貢茶.. 太飽了~) 哈哈~~

敗家妹一日既行程已經報告完畢~~ 多謝各位收睇...
不過小妹下星期仲要再出去睇銀包呢~ T__T" 又唔知敗幾多$喇~~