結束

  今日我哋分咗手，係佢提出來嘅。之後我問點解，佢話唔知自己係咪真係鍾意我，分唔清好好嘅朋友同女朋友之間嘅區別。我聽完之後都唔知講咩，覺得自己好傻，直情就憨居。其實之前我已經好懷疑佢係咪鍾意我。雖然都估到個結果，不過話唔hurt就假嘅。今日我哋傾咗好耐，可能係我哋認識以來講得最多嘢嘅一次，可能會係最後一次。

  佢話驚以後成日見面尷尬，應該唔會掛……不過今日係第一日，啲feel唔好係好自然嘅，我諗過幾日我就冇事了。而家唔會再好似以前咁唔成熟了，我會努力做到再見亦是朋友,希望佢都可以啦。我唔想冇咗個好朋友。