我家中之五隻大帝

其實我自稱為郭貓貓咁耐, 大家都知道我好鍾意貓, 但我又從來未響blog度介紹過我屋企呢5隻心肝, 呢排見得閒, 都係時間要佢地見下人啦!

首先出場嘅係...我最錫嘅嬌仔, 唔好以為佢個名有個"嬌"字就以為佢係女仔, 其實佢百分之一百係男子漢!!! 又唔好以為佢個名有個"仔"字就以為佢好後生, 其實佢已經十幾歲啦(相等於人類嘅亞伯), 不過佢仲好健康, 食得又瞓得, 最重要嘅係最痴我, 淨係俾我抱, 所以最得我歡心

連我老公佢都好like架~~

呢隻叫"剔剔"(女仔), 我都唔知點解改個咁嘅名(因為全部都係我亞媽改...), 佢同嬌仔係同一胎架, 佢好驚青架, 成日避開人...

呢隻叫"基文"(女仔), 其實取其音"饑民", 因為佢好瘦好細粒, 好似成日都食唔飽咁, 所以咁叫佢囉, 佢都係同嬌仔同胎架!

呢隻叫"雪碧"(女仔), 係我響街執佢返屋企架, 估佢而家都有10歲lu...不過仲好爛玩, 執佢返屋企無耐就發覺佢好大食, 之後發現佢原來黎我地屋企之前已經俾人搞大咗個肚呀~~之後仲響我地屋企生咗兩隻小貓...

呢隻就係雪碧生嘅其中一隻小貓"小白"(男仔)啦! 雖然佢叫小白, 但佢個子一d都唔小, 佢係5隻貓之中最大件, 最食得果隻, 佢一出娘胎到而家都有媽媽陪住, 好幸福架! 不過...雪碧生嘅另一隻貓仔好不幸地響幾年前俾我隔離屋(果時我住村屋)隻衰狗咬死咗lu...

小白不顧儀態...露B呀~~

你地數吓邊隻響度....