X8年黎最沮喪的生日

今日係我O既生日又係我第一日返subway, 但係我今日超級沮喪, 因為工作o既時候我差唔多乜都唔識做, 同我以前做o既工完全唔同, 以前啲工只係一啲手辦眼見工夫, 見到野就做嗰隻, 但係今次唔同喇, 我要對顧客, 我英文又唔好喎, 而且澳洲式o既英文係超難聽嗰種, 一聽唔到客人要乜, 又要問多幾次; 就算聽得到, 又唔知個包點整; 知道嗰包放啲乜野料, 但係又唔識用嗰烤爐; 唯一識o既就係執沙律, 但係執完沙律又唔知點用收銀機。嚴格啲黎講就係乜都做唔到, 又俾老細叫我唔好做其他野, 執沙律就得喇, 覺得自己好無用, 完全幫唔到手, 所以超越超級down, 成日都唔開心, 好耐都未試過啲咁辛苦o既感覺。雖然只係做四個鐘就放工, 但係就好似做左幾日野一样, 時間過得超慢。放工之后, 簡真一種解脫, 以經唔想再做, 但係又無錢喎, 勁慘。

好辛苦呀~~~~~~~~

今晚teera約左朋友打波, jill又要返工, 所以今晚我要孤令令咁過生日, 雖然jill話叫teera買蛋糕, 不過俾我一口拒絕左, 今日咁重要o既日子點可以待薄自己呀, 所以今餐我會加料, 就係加多左個蘋果俾自己, 其他就仍然係無餸麵,

其實我都覺得ok, 但係食食吓都有少許悽涼o既感覺, 不過我都慣左呢啲咁憾''呵''o既生活, 神對我真係好喇 ^_^

 希望今日己經係我人生中最唔開心o既生日喇~