尋找陳奕迅的蹤跡(二)之Bruny Island

今次帶大家黎到塔省東南面o既bruny island, 繼續出發尋找陳奕迅的蹤跡, 到左bruny island之后即刻搵hostel住, 但係全部full晒, 事前又無book到, 結果今晚要紥營瞓, 第二样就係攞晒啲架生出黎釣魚, 誓釣到條大魚,

釣釣吓我俾另外一样野吸引住, 就係’’生蠔’’喇, 係哩個碼頭仔側邊有好多好大隻o既我蠔, 黎之前我地一早到知嫁喇, 所以帶晒裝備黎掘蠔, 阿mike帶左生菜刀, 兩三吓手勢就掘到出黎, 好大隻好好味, 最重要係唔洗俾錢吖ma, 前前后后食左成十隻,

食自己掘o既生蠔感覺特別唔同啲, 特別開心, 仲要有螺執添, 又執左10隻,

今晚打邊爐食, yeah!

每一次wild camp我都瞓唔到覺, 今晚都唔例外, 因為太凍, 又唔記得帶睡袋, 結果要上車瞓, 瞓到腰又痛、膞頭又痛、頸又痛。第二朝, 我、mike、wilson去報團玩, 睇海獅、長吻真海豚、blow hole等, 個blow hole真係好勁, 個hole會吸晒啲水, 見到會有水氣走入去, 然后一野噴出黎, 會噴到廿米高, 好似出龜波氣功咁,

哩個我覺得係成個trip最好睇o既野, 睇睇吓我發覺哩個tour guide係喺現代塵世美入面, 陳奕迅join o既tour, 個tour guide就係我而家哩個, 之后去睇海獅, 海獅我己經睇得太多喇, 睇到無晒感覺, 水都一齊游啦, 更何況睇?! 但係我最鐘意o既海豚就睇唔到囉, 我報個tour都係為左長吻真海豚嫁渣, 唔開心呀!

完左tour之后, 我同tour guide一齊影相,

當佢知道我地係hk黎時, 就問我地識唔識eason, 跟住大家就好開心, 有講有笑