Macau

呢輪忙到抽哂筋，好耐都冇出過新野。過開澳門，影番Ｄ相，出番Ｄ新野比大家睇吓先

後面最高最大個楝，經過１８個月的努力，終於起貨啦

Ｄ人已經紛紛撤退，地盤冷冷清清咁

有一日，經過關閘，下面個塊石碑，保留住澳門割讓一百五十年的見證。澳門保存Ｄ文化遺跡，都保存得幾好。

舊的工程走咗，新的工程又接住黎，呢度不是一條街，係美高梅酒店的天台。

澳門都幾離譜：第一，有三輪電單車。第二，可以自己劃車位架。

噚日，睇完工程，老友同我講，係澳門十幾個月，都未同我食個餐好野，今晚話帶我食番餐好野咁話喎

係新馬路落車，２個人篤咗串牛雜，每串十蚊。老友話這處係全澳門最好食的牛雜。

大甘心諗：又話帶我食好野，唔係亞化，走黎食牛雜 我地兩個係工程界大名鼎鼎 比人撞到點算呀?

原來牛雜只不過係過吓口癮，好戲在後頭，就係呢間

陶陶居喎，在澳門街算係數一數二架

豉油皇大蝦

花膠燉雞湯

碗湯真係幾好飲

蒜茸粉絲蟶子皇

隻蟶子都好大隻吓，整得都幾好味

羊腩煲

龍躉頭腩煲

炸蟹盒

薑汁炒芥蘭

埋單都唔係好貴啫       ( 因為唔係我埋 )