網誌分類：未分類 |
連續兩天的教區運動會簡直收買人命,氣溫不足十度還要忍受寒風和大雨。
在雨中頒獎,我一邊寫字,紙張也濕透了,起初以為原子筆斷墨,原來是字化了....
這兩天還要不斷忍受身邊人的怨氣,包括緊張大師的ic,多勞嘈的師奶,黑面的老細,仲有領獎的學生.........
經過兩天的勞累,今日病了,一起床周身骨痛,起初以筋肉痛,但晚上開始頭痛我知是病了。
晚上兼職時間,辛苦到暈,本來想早走,但舅父立即走去買了必利痛給我,說很快沒事。
他還除了外套給我,那刻十分感動。但原來因為他穿了太多衫覺得熱(他穿了羊毛衣,棉襖背心,衛衣和外套,仲有虧佬褲打底~!)
不過,還是感到親情的溫暖,不枉我認識了他廿多年。
CIMG4863.JPG
IMG_1154.JPG
IMG_0006.JPG
Miss Elegant 2008-02-05 22:32
好好的配搭， 我呢排每日都著六件衫啦
靚太新丁 2008-02-05 15:23
四條褲??!!! 你唔係講笑呀麻???!!!!!
四條褲點著呀? 底褲+袜褲+褲...仲有一條係咩褲? 唔係羊毛褲咁誇張呀?
你咁怕凍, 呢世唔好做壞事哦, 如果唔係下世你會係北極出世.
smart chin2008-02-05 20:51
係底褲+絲袜褲+虧佬褲+牛仔褲
費sir 2008-02-05 10:21
原來是家族遺傳...
怪不得你要穿四條褲子...
我看你的病，可能不是冷病，是焗病，還記得你在巴士地鐵火鍋店時的臉嗎？紅得像 monkey's pat pat...
靚太新丁 2008-02-04 13:42
習慣咗著少d衫, 身體會自動調節, 慢慢就唔會怕凍.
佢地著過多衫, 就會覺得越來越凍, 越著越多件...........
學下我啦, 健康人生由今日開始!!!
靚太新丁 2008-02-04 10:33
病就唔好返大代啦, 係屋企休息下.
捱多2日放假啦, 好好地休息2個星期調理下身子吧! 你都係弱ga la.
想像唔到你舅父點解可以著咁多衫????星期六超凍個日, 我都係著咗一件t-shirt同jacket, 最多加多頂冷帽同手套. 著咁多衫好鬼死辛苦.
smart chin2008-02-04 13:37
你係不合理地少,舅父同阿倫係不合理地多
Miss Elegant 2008-02-02 00:42
呢方面舅父同我好夾, 唔夠暖好辛苦
訓一覺好快無事, 我攞幾粒維他命C俾你