K 在外地

黎左加拿大不經不覺已經年半啦, 我自己都唔記得臨走前幾時去唱過K, 我一直都好想去唱K, 但最初黎到加拿大o既時候, 因為匯率高, 成日對比香港價錢, 覺得好唔抵, 所以一直都無去唱, 就算杜C夫話陪我去, 我都死忍唔唱。直至有一日我地行過Parker, 見到2pm 至 7pm任唱每位只係$6.95, 咁杜C夫就話好抵喎, 不如入去唱呀, 你都好耐無唱K啦, 但係我當時仲未完全好番哂, 把聲仲係沙沙地, 入去唱都係浪費金錢, 加上杜C夫係唔唱K, 所以更加浪費啦!

有一日田嫂打比我話佢會黎Richmond搵我去行街, 我雖然好想同田嫂出街, 但我唔想行街, 因為呢度已經行到無野可以再行。點知 "o丁", 突然比我諗起唱K, 我地就相約去了。

入到房, 就立即點歌, 去新歌度睇下先, 點知佢地o既排法係由一個字o既歌名開始排, 嘩! 唔係o卦, 咁我幾時先搵到我要o既歌呀。唔緊要去K歌榜度睇下先, 點知我見到"童話"呢首歌, 呢首歌都4,5年前galabor, 點解呢度D人仲可以唱到呢首歌排係top ten架, 我開始放棄, 仲想同田嫂講不如走o羅。係咪因為太平, 所以只得舊歌唱呢????????? 但我仍然試多一次, 搵歌手名去搵歌, 見到謝安琪, 入去睇下先, 喂! 有喜帖街呀, 仲有無謂情歌呀.....好多新歌呀。