網誌分類：劉bb@成長 |
16/12/2009
開開心心地同劉BB共渡了七個月的時間啦！
亞囡是一個好容易笑的小朋友，所以同佢玩吓又一日，對住佢的時間過得特別快。
由六個月至七個月這段時間，亞囡的手仔開始好靈活，喜歡去找身邊的東西，而且可以雙手緊緊地去捉住一樣野，從我的觀察她很喜歡捉住圓形的物體。有時見佢單手捉住個波搖搖吓都幾攪笑！
自從亞囡可以自己坐住玩之後，我可以放她在地墊自己玩玩具，我就可以自己做公司的野，真係輕鬆好多。講開佢自己玩，亞囡都好合作，她會攞D玩具出嚟，自己專心地玩玩具，都算係咁！比個good佢啦！
要比多個good 佢，因為佢食solid food的進展都不錯，媽媽會幫我煮粥比亞囡食，現階段嘗試的食物不多，暫時只有pumkin, sweet potato, tomato, and banana. 而亞囡都好喜歡食。
希望快快樂樂，健健康康咁到8個月啦！最近流感好勁，大家都要保重！
