網誌分類：羊咩夫婦環遊世界 |
圖片
網誌日期：2009-11-02 23:18
今日係 羊 先生嘅牛一！不過，最可惜係無BIRTHDAY CAKE同 羊 先生慶祝，就係早餐時有西式嘅雪芳蛋糕，我取了很多塊頂住當作蛋糕先，好彩羊先生一樣咁開心！
因為今日係整過行程差不多尾聲一日，導遊安排我哋瞓多D，7點先MORNING CALL。早餐豐富得多，係中、西式BUFFET，雖然種類唔多，但最重要係唔洗再食白粥、雞蛋同饅頭！
臨離開酒店前要拍張照留吓念先，因為間酒店都係當地好出名，朱鎔基當年訪四川時曾經入住過，大堂仲有幅相作證添。
今日嘅行程係由瀘定返回成都，車程時間係最短嘅一天。所以，導遊一早安排我哋去牦牛食品中心買手信，亦係我哋整個旅程唯一嘅購物點，買咗幾包返公司請同事食。
之後去咗一處食農家菜嘅地方食午飯，環境尚可，但擠滿好多旅行團遊客，有種感覺係覺得藏人比漢人更有善得多！
吃過午飯後，導遊便開始游說我哋參加自費行程，每人俾90蚊去咗黄龍溪。但一入到去便覺得俾人揾咗笨，景點全是人工製造，勁假勁無FEEL！ 羊 先生話導遊帶得咁好，俾佢賺吓錢向公司有得交代吓！
最攪笑係導遊預咗3個鐘遊此景點，我哋行咗1個鐘已經覺得無嘢行，我哋坐咗旅客服務中心呆等。無嘢做咪俾咗機曾我哋講吓過去、現在、將來…好似拍緊拖咁，咩都講一餐！最後，我哋遇到領隊，叫我哋上車等團友。真係大爆冷，今次居然我哋係第一個上車先。
6點半食晚餐，今晚會嚐四川13種特色小食，好似有龍抄手、紅油小炒、鐘水餃、三大炮、葉兒巴、 夫妻肺片、回鍋肉、三合泥、麻婆豆腐、樟茶鴨, 、水井坊酒及四川擔擔麵等…有D都忘記咗叫咩名。又因為太肚餓關係，我哋只顧住食，忘記影低D小食個樣添。
飯後我哋每人再自費180蚊去蜀風雅韻睇民間表現，緊係最期待睇四川變臉。
每場表演前由依位靚女用中、英作簡單表演前簡介
這是分別三套川劇折子戲，但都睇唔明佢哋講緊咩
這是民間絕藝：杖頭木偶
這是川戲絕技表演：變臉吐火。最勁係除了變臉外，連整套衣服也可同時變走。
睇過表演後便回酒店，那時已差不多10點了。
這麼快便過了一天、這麼快便玩完整過旅程、這麼快便過了羊先生嘅生日…
還是要快快收拾行李，明天要同四川講BYE BYE
波子媽媽 2009-11-17 22:02
羊先生影相真係巨細無遺。在川劇館都影左咁多相。 稻城亞丁blog 中很多情景都是團友們的共同回憶。
幸福羊咩太2009-11-17 22:57
昨晚睇咗你哋送嘅VIDEO，睇返D景真係好開心，真係一個超開心嘅回憶！羊先生仲話好多謝你哋嘅VIDEO.
不過，羊先生話見梁生密密影，但點解得3條片咁少呀？未夠喉呀！