網誌分類：朝九晚六無靈魂 |
圖片
網誌日期：2009-11-13 21:19
今日放工後趕去JW MARRIOTT HOTEL參加OUTSTANDING FINANCIAL MANAGEMENT PLANNER AWARDS PRESENTATION CEREMONY。前幾日還特登去PLAYLORD買咗套戰衣去領獎，一套套裝加條褲7折後都成2000蚊，好貴呀！ 不過， 平時羊 先生好少係我買衫時俾意見，今次做破天荒幫我揀衫，仲話個蝴蝶結好襯我添！
今年已經係第3年參加比賽，雖然今年有銀獎攞，但已經對依個比賽覺得好悶，真的無興趣出年再參加。
例行同高層一齊食晚餐，其實可以同高層食飯應該覺得好榮幸才是。真的！有幾多個好似我SMALL POTATO可以同DIVISION HEAD坐埋一齊食飯？但一唸起明年又要參加比賽就頭都痛，好鬼大壓力！！
眼見台上D人攞金獎同大獎真係好兒妒忌，年年都係個幾間大BANK攞獎，都唔知幾時先可以輪到我。一日未攞到，年年都被點名參加。唉！真係十萬個唔想，但又唔敢同高層SAY NO，依D未叫小職員嘅啞子吃黃蓮，有苦自己知！
公司枱頭擺咗依3年嘅獎，仲有張同公司CEO影嘅合照，睇落好似好鬼勁！雖然參加比賽嘅過程好鬼辛苦，但見到枱上大大小小嘅獎，即時開心返哂！
