網誌分類：羊咩太喋喋不休 |
圖片
網誌日期：2009-09-26 21:42
清晨5點幾，姑娘無端端走嚟探熱同量血壓，整到我瞓唔返。7點鐘又有姑娘嚟嘈醒我問我清哂便便未，過多一陣姑娘又叫我起身清洗，那時7點半都未夠，但我今BOOK咗9點半先照腸。
瞓唔著即時打俾羊先生詐嬌，他說已經準備出門口揾我。我當然極力阻止佢，叫他等我做完照腸大概10點先好嚟，但佢又唔肯聽。其實我係怕突然提早做CHECKING，點知等呀等，都無人嚟我。突然我聽到有好急促嘅腳步聲，原來係 羊 先生趕到，他真係好緊張我呀！
依張相係等入房做照腸前影的。
最攪笑係我醒返第1句同羊先生講嘅說話係「你有無買卡樂B俾我食」。 羊先生即時餵我食，我食完卡樂B後9秒9即時瞓著。
醫生之後巡房，一話我可以出院，我即時換衫走人。嘩！入院1日竟然埋單1萬9千4百幾！出院攞咗幾種止痛葯，傷口仲有小小痛！
因為怕媽媽擔心，今次入院靚媽全不知情！
B の家 2009-10-07 18:14