海鮮大餐

一早8點幾已經起身，因為我要11點半要學車，之後輪到 羊 先生1點學車。忙完一輪後，成3點先有時間去沙田MCDONALD 食LUNCH。之後去咗NORTH FACE買咗件防風羽絨褸，唸住去旅行著。其實上年有一日太凍關係，同同事LUNCH TIME行咗去羽絨域揀大褸，不過睇唔啱。但今次依件都幾好，我唸住嚟緊返工時都會著，買到件啱心水嘅褸都開心呀！

之後我哋又拍住拖行大埔街市，買咗小小海鮮。返到屋企已經係6點鐘， 羊 先生忙住煑晚餐，我就趁時間做家務。吸塵、拖地、LONG衫、換床單、抹家私、抹塵及抹玻璃等

今晚有清蒸膏蟹、再有鮮蝦雜菜烏冬。

大家分工合作，為我哋嘅羊咩家出分力！