天不怕地不怕的孩子

形容他們天不怕地不怕, 似乎過於正面.

口頭上, 我比較傾向形容他們"唔怕死唔知醜"

昨日, 是收剪報的大日子.

事前我已像林瑞麟上身, 做人肉錄音機, 堂堂提"18號交剪報喇, 有無人有問題想問架?"

大家完全無問題.

OK, Fine~

當然, 加上大量的"恐嚇" ---- "唔交功課0既, 一賠三, 欠交一篇剪報, 留堂做三篇俾我!"

嘩~ 我都驚啦~

OK. Fine~

但事實竟然......有9個細路無交, 理由包括"唔記得" (大姐~ 我堂堂提住喇喎~ 都唔記得???) ; "唔識做" (唔識做??? 我之前問你, 你又唔講????) ; "無單行簿" (我真係嬲到無言) ; "尋日放學追巴士, 買唔切報紙" (我個幾星期前俾功課, 無理由追足個幾星期巴士0卦???)

老師言出必行, 兜口兜面狂罵一輪之後, 要罰留堂補做三篇.

為免有人玩失蹤, 我再用"恐嚇"技倆 ---- "今日放學唔見人0既, 下個星期全個禮拜罰留堂!!!"

嘩~ 夠狠啦~

結果......................9個有3個提出合理理由申請豁免, 獲我批准下星期一才罰堂. 另外3個依時出現.

但有3個無懼罰足一個禮拜留堂玩失蹤!

原來還有欠交第10人! 有個細路竟然交本"吉簿"就當交了功課!

我真係嬲到爆炸!

而家D細路, 到底驚D乜?????