杭州、水鄉(烏鎮)、蘇州、上海 5天直航識嘆豪華團之第一天(三)

第一天：香港 à 上海 à 極速磁浮列車 à 城隍廟小食街(自費午餐) ~ 湖心亭 ~ 上海老街(自由活動) à 新天地 à 東方明珠電視塔(包259米懸空觀光廊及263米觀光層門票) à 老上海歷史發展陳列館 à 黃浦外灘(濱江大道) à 新吉士新派上海菜(晚餐) à 車遊上海外灘及南京路步行街(自費) à 天禧嘉福．璞緹客酒店(住宿)

遊畢黃浦外灘(濱江大道)已經是下午6點，係時候食晚飯了。本來團餐給我嘅印象就唔係咁好，但係今次真係跌哂眼鏡，無論餐廳環境同食物質素，可以講一句 VERY GOOD。果然係識嘆豪華團，每枱每人仲包一杯啤酒或汽水，讚！

今次食飯嘅地方叫新吉士酒樓，食嘅係叫新派上海菜，樓面面積不大，睇唔倒有其他旅行團，就祇有我地一團，以散客為主嘅頗高級酒樓。

27人團分成三圍，分別8人、9人和10人一圍，我地一家人坐喺9人果一圍。未上菜先黎免費啤酒汽水同菊花。

D餸真係又多又好味，一齊黎數一下，因為當時我都無數過。

1.魚

2.蝦仁

3.牛肉

4.佛手瓜和肉

5.東坡肉

6.娃娃菜

7.豆腐煲

8.粉絲煲

9.雞湯

10.薄餅包回鍋肉

11.小籠煎包

12.通菜

13.齋煲

14.水果

你話有乜辦法食得哂，導遊領隊又唔早講有咁多野食，等我仲白飯任裝猛咁裝飯，激死！

食完飯已經晚上7點9，跟住落黎一個自費嘅節目，乘船夜遊黃浦江及南京路步行街，成人RMB 160、小童 RMB 80。我地一家人有參加，唔參加嘅團友都有一半，領隊導遊都安排好唔參加嘅團友先返酒店休息，實在太滿意他倆的服務呢！

不過當抵達碼頭，導遊小姐和我們都給嚇一跳，好好好好多人啊！導遊話，如果要乘船，最快有位都要9點幾先上倒船，在經過大家商量之後，決定放棄而選擇平宜一點嘅"車遊黃浦江及南京路步行街"，成人RMB 80、小童 RMB 40。

由於儍瓜相機同我都功力有限，就影咗呢度少少，都係果句，到此一遊呢！

車遊完畢就到人行，南京路步行街，呢度D夜景邊個夠膽話唔靚？怪就祇能夠怪影相果個唔識影。

好多人呀！

龍媽揸機同我兩父子影相，掂唔掂？

最光就係永安百貨公司

永安百貨公司門前留影

南京路步行街一角，我地就係呢度自由行個幾鐘再集合上車先返酒店。

今晚首晚入住嘅係5星級"天禧嘉福．璞緹客酒店"

http://www.skyfortunehotel.com/index-en.htm

係一間套房形式嘅酒店

酒店大門

酒店大堂

房間外走廊

浴室

面盤

先入客廳再入房

張床超大啊

房間佈局

從房間回望客廳

一個舒適嘅酒店，一個舒適嘅床舖，如果可以多逗留一點時間就好啦！

晚安！明天6點9 morning call，7點半食早餐，8點3出發。

第一天行程完畢。 

請按此觀看第二天的第一部份

請按此觀看第二天的第二部份

請按此觀看第二天的第三部份

請按此觀看第三天的第一部份

請按此觀看第三天的第二部份

請按此觀看第三天的第三部份

請按此觀看第四天的第一部份

請按此觀看第四天的第二部份

請按此觀看第四天的第三部份

請按此觀看第五天(完結篇)

請按此返回第一天的第一部份

請按此返回第一天的第二部份