黎緊星期三的 歌唱大會...

延世每個學期既 每級 都有不同既表演節目....

我讀二級, 繼去左 炒雜菜後, 後日就是 歌唱大會...

我們班 練得 七七八八, 練舞都 排好...  舞步包括要 扭屎忽, 握手一齊踼腳, 攬住大家膞頭係度搖黎搖去, 同埋要跪地... 總有 走位同埋 D 同學仔傳咪,... 

講起握實隔離同隻手, 同埋攬住隔離膞頭..  畀我拖住既隔離, 係埃及同學....

hehe~~~ 勁開心... 可以握住佢隻手... 可能到真正表演佢未必會係我隔離.. 但係因為佢都幾靚仔... 所以我都幾開心... 

您吾可以話我眼光有問題今次,.. (係您啦... )

因為pion 臨走之前, 我同pion講 埃及人都幾好樣... pion都話係, 不果嫌佢吾夠高大.... 

如果有機會, 我會叫人係台下錄video, 然後放上黎.. 包括笑爆口... 因為歌詞唱到baby個度要扭屎忽... hehe~

miss 呢幾日, 又係度捉 同學發既 l 同 n 音... 老師成日都要挫同學既銳氣... 點解呢..

我無畀佢地捉..  所以勁開心..  係咪已經到左佢地既要求??  同我班既 一個同學, 小息時同我講, 話近呢期, 聽到n 同 l音 improve左...

講起發音... miss 話吾好有懶音, 要練好, 要誇張個口咁練左先, 如果呢家練吾好, 上到更高, 吾會有人明您講咩... 

總有, 因為 我班個個美國玩cosplay人, 幾日都無番學... 因為上星期五 miss話 下星期會教二級中最重要既文法, reported speech... miss話 就算之前個d文法, 遲到同無番學 學吾到吾緊要.. 但係reported speech呢個 係超重要, 話要我地一定一定番黎... 

所以我都send左 msg畀 jonas 叫佢番,  但係今日佢番黎, 聽講佢會去 西江既語言學堂番學喇... 或者, 重文法既 延世真係吾啱佢.. 因為上次jonas 同我講, 其實所有文法, 佢都識, 但係就係生字好難入腦...  我地又何嘗吾係丫... 呢家我地班d成績緊係 日本同學帶緊頭啦...    因為日本有d 生字讀起黎, 原來同韓文差吾多.....

miss 話聽日上堂 玩生字測驗... 我地win左, 佢買雪糕畀我地食...

呢個miss勁好人, 我地上星期講到 去郵政局寄信既課文, miss問我　有無係韓國收到 包裹... 我話無, 之後miss 問我點解無, 佢話 如果收到包裹會好開心架喎.... miss 之後叫我 畀我呢家個 住所地址佢, 佢畀我... 之後, miss 就係度講, 咁寄咩好呢... 之後, 日本班長話 寄錢啦,...  miss就笑住問點解, 之後 班長話, 錢係 一種有用既野...  miss之後話寄朱古力喎。。。　hehe.. 不果, 我最後都無寫到啦...  不果呢個miss 佢okay好.. 我作個d 句子 (每日都要作, 每個文法, 作3-4句)  佢無大刪我寫既野.. 都係刪少少咋... 雖然人係要求進步, 但係佢起碼畀番d信心我....

我12月咪放假既... 我打算報短期課程, 或者 去學料理班..  料理班, 曲奇已經畀左資料我, 我覺得okay.. 但係 韓文補習班, 大家吾知有無好介紹呢??