終極黑仔日

唉...今朝都唔知做乜鬼

唔知係咪天氣涼左, 隻腳仔乾爽左, 搞到隻鞋好鬼鬆, 上車果時甩左隻鞋, 呆哂....仲要上左車先發現我無帶發達窿....又無散子, 得張一百蚊, 搞到司機叔叔好心施捨我....叫我聽日先比錢....嗚....有無搞笑成咁呀?! 好似拍笑片咁, 白痴既事陸續有黎, 頭先戴con, 唔知做咩搞左好耐, 仲諗搞乜戴來戴去都咁懞既?! 將隻con 反黎反去以為調轉左....頂....原來我將兩隻con 戴落同一隻眼度.....做乜呀?! 唔通我被選為衰鬼上帝下一個選中既對像, 依家係揀選左我, 所以係咁整古我?! oh my God!