近況

好耐無Updated 個Blog 啦, 懶蟲又上身啦!

Ryan 已經返左1個月學, 睇呢佢已經習慣學校既生活, 宜家肯唔喊咁自己走入課室, 當然有時都有例外既, 我發覺佢返左學之後真係學到野, 學校派左一本兒歌書&CD比佢, 佢日日都要我開比佢聽, 宜家仲識背當中既好幾首歌, 聽到佢不停响度唱歌時真係好攪笑!

Ryan 下年就要讀 K1, 到宜家仲15 /16 讀唔讀宜家 N 班呢間幼稚園好, 我揀呢間比佢讀 N 班係因為佢夠方便, 一落樓下就到, 打風落雨都唔驚, 加上我唔想Ryan 2 歲就搭校車咁辛苦, 呢間 N 班都幾貴, 成 HK$2,480 + 什費, 仲要交足12個月月費, 如果佢繼續讀 K1 既話, 呢間係無學卷, 所以都幾"溶", 本來一心諗住算啦, 學卷大約有 1,000 一個月, 讀其他學校搭校車都幾百蚊啦, 都係差幾百蚊姐, 點知一check 人地九龍塘有 d 出名 d 既幼稚園都有學卷, 加上學卷又由 12,000 加到 14,000, 計計吓真係越諗越唔抵不過我對 d 幼稚園真係唔係好識, 加上馬鞍山區 d 幼稚園我又唔熟, 都唔知點揀好

煩完Ryan 又係時候煩自己野啦, 不經不覺我已經21 week 啦, 宜家成日都 feel 到 BB 郁, 呢胎同上胎差好遠, 上胎我响呢個時候已經腫到死, 反而呢胎無咩點變, 個肚仲唔係好大, e 生都話個BB 比較細, 唔知係咪BB影響, 我自從有左之後都瞓得唔係幾好, 好多時夜晚都醒, 又瞓唔到, 攪到精神好差, 希望遲 d 會好 d 啦!

上胎因為38week 時有妊娠毒血証 (血壓高+蛋白尿)所以Ryan 要催生, 之後催生都未生到, 最後要開刀, 唔知係咪因為我响政府開刀既關係, d 人成日都話開刀一 d 都唔痛, 我都唔覺既, 開完刀成個 week 我行去洗手間都要用手掩住個傷口, 我真係覺得個傷口痛喎, 點解個個响私家開刀既都話唔痛既, 唔通真係私家同政府有分別我見人地順產個 d 生完第2日都可以周圍走!

今胎我都諗住响政府生, 私家太貴啦, 最少都要 48,000, 因為上胎開刀既關係, 政府今次比我揀開刀定順產, 呢個真係一個大難題, 其實我有d想順產架, 因為我覺得開刀個人好似好傷個身體咁, 順產好似服完得快d咁, 但又驚到時開刀個傷口有事, 加上到時生唔到又要開刀, 痛左咁耐最終開刀咪好唔抵 唉! 呢個問題我都仲可以諗多3個月, e 生話 34週先決定都可以!真係好煩, 唔知點揀好!