奇妙的作用

         睇翻對上一篇網誌，已經系7月份既事，雖然我好耐好耐都無更新，但其實我每日都用緊呢個yahoo既帳號，點解？因爲我每朝翻工，食緊早餐對住電腦，都會睇下我所關心既16個yahoo blog，其中15個blog主，我都素未謀面，全部都系因爲由睇一個blog開始，而關聯出黎既。

      呢16個blog有一個共同點，都系關于BB既，對于我呢個超級中意BB既人黎，快一年既欣賞時間，令我覺得好似睇住呢16個BB成長。睇到BB開心、唔開心，我都好大感觸，不過我好少留言，因爲有事覺得留言系責任感，你留左一次，以後就都要留，但“姣婆守唔到寡”，終于我都系兩個blog留言，而且仲同其中一個blog産生微妙既感情（haha，系對BB同B媽既感情），特別今次去左四川，都根本無時間睇，到我翻黎留言，B媽居然回復我話“甘岩同朋友講最近唔見我”.....真系好感動架，真系估唔到大家系blog，可以做到朋友，希望下一次去hk，可以見下行行豬同距媽咪，因爲我真系覺得同行行豬好有緣分。

         總括黎講，都系yahoo呢個帳號既奇妙作用。雖然我依傢已經唔會更新呢個blog，但系黎緊既新一年，我都會繼續用距，去瀏覽我關注既blog，希望可以認識更多有緣分既朋友。