車牌恆久遠，一個永留存

年年大黃生日，我都花心思去幫佢賀壽。

我生日佢就唔識搞咁多嘢，等我係度投訴下先，哼！

舊年大黃生日，我諗住大黃愛車如命，咁咪諗住訂個自訂車牌送俾佢。

我真係懵盛盛，仲以為自訂車牌係月月都有。　上網睇先知，原來唔係，不過９月係申請期，咁就決定訂個送俾佢。

我同老公諗訂乜車牌，　我地心靈真係好一致架，一齊諗到用呢個車牌。

ＫＡＲ１Ｓ１ＮＧ

Ｋａｒｉ係我嘅英文名；Ｓｉｎｇ就係佢嘅英文名。

個車牌當然唔可以趕得切送俾佢啦！　咪送個申請表俾佢囉！

由申請到拍賣，足足搞左成８個月。

搞掂左，其實仲有一輪手續要搞，轉牌簿啦，通知保險啦。。。。。。

咪就係因為要搞咁多嘢，大黃一路都唔肯動身做囉！　懶到屎！

今年生日佢本來想搞掂佢，係生日正日將個牌正式安上架車度架！

典知佢諗諗下又無左回事，最後都要遲左幾日先搞得掂！佢Ｄ辦事效率真係慢到呢。。。。。。

終於搞掂喇！

以前聽過一個廣告：鑽石恆久遠，一顆永留存，鑽石我就買唔起喇！況且送個車牌過佢，佢仲開心啦！

車牌恆久遠，一個永留存！