無得拒絕

又係一年一度學校朗誦節揀 " 蟀 " 嘅時候 .

今年我教一班中四嘅好班 , 咁我咪問佢地有無人自願參加囉 ?

就咁問就老馮無人肯參加 , 一定要耍 D 手段先搵到人參加 .

我 : 有邊個參加過朗誦嘅 , 自己好認喇 , 如果你地唔認 , 又俾我查到 , 我會罰你地架 !

文正 : 阿漢隆曾經參加過架 .

漢隆 : 阿文正都參加過架 .

我 : 呵 ! 你地同學之間都好親切喎 ! 阿漢隆 , 阿文正 ...... 咁

( 跟住 D 同學就互爆邊個有參加過 )

A : 我係參加過 , 不過我攞好低分喎 !

我 : 啊 ! 上次低分啫 ! 咁今次咪練到攞高分囉 !

B : 咁上次已經攞左優良獎狀呢 ?

我 : 啊 ! 咁今次咪練到攞頭三名 , 攞獎囉 !

C : 咁上次已經攞左獎呢 ?

我 : 啊 ! 咁今次咪攞多個獎囉 !

全班

.......................................................................................................................................

我 : D , 同學話你參加過朗誦喎 !

D : 好耐之前架喇 !

我 : 咁即係參加過啦 !

D : 好耐之前架喇 ! 耐到小學之前架 !

我 : 吓 ! 小學之前 ? 咁咪幼稚園嘅時候 ? 你唔好呃我喎 ! 幼稚園有朗誦比賽嘅咩 ?

D : 我唔記得喇 ! 總之好耐好耐啦 !

我 : 既然耐到你都唔記得係幾時 ...... 咁 ...... 不如等我幫你一把 , 等你重拾當年嘅記憶啦 !

全班

.......................................................................................................................................

我 : E , 你又點呀 ?

E : 我係有參加過 , 不過好低分 !

我 : 我都話呢個唔係問題咯 .

E : 唔好揀我啦 ! 我咁樣衰 !

我 : 啱晒囉 ! 去嚇下個評判都好吖 !

F : " 搣匙 " , 做乜要嚇個評判呀 ?

我 : 嚇到個評判亂晒龍咯 , 佢咪會亂俾分囉 ; 咁佢亂俾分咯 , 咁你地 D 同學咪好大機會攞獎囉 .

F : 啊 ! 咁好啦 !

.....................................................................................................................................

G : " 搣匙 " , 根本就無得拒絕嘅 ! 咁講咁耐為乜呀 ?

我 : 其實我都唔知你地為乜要講咁耐 .

全班