有心唔怕早 之 500聚預祝比比生日

12 月嘅 500 聚定係 18 / 12 .

聖誕節相信幾姊妹大家都忙 , 於是我 , Wings & Maggie 密謀提早預祝比比生日 .

比比 29 / 12 生日架 , 係就係早左 D , 不過 , 有心唔怕早嘛 !

比比一路都以為只係 500 聚 , 仲 book 左位去食齋 .

我地呢 , Wings & Maggie 負責買手袋送俾亞比 ; 我就負責訂蛋糕 .

18 / 12 日抖 4 姊妹一齊傾 MSN , Wings & Maggie 話好凍 , 想打冰爐 . 佢地係 MSN 度你一言我一語 ......

打咪打囉 ......

怕你呀 ! 打咪打 !

打到你口腫面腫吖拿 ......

你話佢地係咪傻左吖 !

佢地話打就打 , 好有效率咁就 book 左呢度喇 !

http://www.openrice.com/restaurant/sr2.htm?shopid=13756

佢地好醒咁一開始就叫左個花膠雞腳湯底 , 跟住就有好多嘢食 ...... 睇相啦 !

我地今次仲啤啤佢添呀 ! 我地一齊飲啤酒都係第一次 , 華姐酒量唔好 , 飲左兩杯就停喇 !  我地都非常開心 , 阿 Wings 仲搞到爆樽添呀 ! 點解咁激 ?

...

...

...

...

...

...

...

...

...

...

...

...

...

佢踢跌左個啤酒樽啫 !

叫第二輪嘢食時 , 阿 Wings 居然話要食雞子 , 呢 D 嘢我一定唔好 , 原來 Maggie 同亞比都唔食架 , 咁阿 Wings 唯有一個人食晒一碟啦 !

Um ..........  我諗佢老公呢兩晚都 ........ e e e e !

食飽飽喇 ! 個蛋糕要出場喇 ! 你地睇下小青蛙整嘅蛋糕幾咁正 !

個蛋糕係花生吉士蛋糕 with 朱古力脆脆 + 焦糖杏仁 toppings , 果 D 花生味香到呢 ...... 一陣陣咁飄埋黎架 !  食左蛋糕 , 又有另一個主角出場 , 登登登櫈 ......

我地送左個袋俾亞比做生日禮物呀 !

話說有一日 Maggie 問我買乜做亞比嘅生日禮物 , 我諗左一陣就話 ...... 袋啦 !  佢同 Wings 都覺得好 , 於是 Maggie & Wings 負責去買 , 因為我真係好忙 , 同唔到佢地去買 .

我地叫亞比估下係乜 , 亞比估黎估去都唔知係乜 , 仲露出左一個古怪嘅表情 .

嘩 ! 個袋好靚呀 ! 連華姐都非常鍾意呀 !  Maggie & Wings 真識貨啊 !  亞比好鍾意份禮物 , 我地見佢咁開心 , 我地仲開心過佢啦 !

最後差不多成 11 點 先走 , 我返到屋企成 12 點呀 ! 可憐阿小青蛙猛等我返屋企 , 問我地鍾唔鍾意個蛋糕 , 又問對個蛋糕嘅意見 .

呢晚真係好盡興 , 你地睇下我地 D 相就知啦 ! 

亞比 :

                    生日快樂 ! 希望你想果樣得果樣呀 !

                                                                         華姐

................................................................................

出冊後連續玩左兩日 , 好爽呀 ! 好戲陸續有黎添呀 !