Daddy's pre birthday dinner

Daddy聽日生日,不過正日生日要返工,所以我地就提早一日同佢慶祝                                                                   今年又係食buffet,冇辦法因為媽咪手勢唔好,如果唔係必定親自下厨

是夜去左kowloon hotel食buffet,今晚有大閘蟹送,不過d野食都係一般,加上有公司包左半個埸開party,嘈到不得了,人又多,d野好快清晒,一心諗住食生蠔龍蝦,如果你係超級蠔fans,sorry你一定會後悔                           其他熱食同甜品都ok,原先想去Royal Garden,不過知佢renovate梗,所以冇去,1st choice係都會海逸,不過之前食過好多次,諗住試新野,不過下次都係去返都會海逸好d,都係差一佰蚊....

不過好開心,今年係第一年阿妹同daddy慶祝生日,因為上年阿妹仲細,我地又係食buffet,唔想搞到阿妹太夜瞓,而且食buffet佢又得個睇字,今年就唔同啦.......又有份食魚啦...菜啦...梳乎里成杯食晒,仲有cake tim....家姐就更加唔會蝕底,飯呀....甜品,sushi,棉花糖,旦糕,ice cream咩都食齊,呢燕窩湯都飲左半碗,勁!!!!!

Daddy因為見蠔唔靚,即時減低食慾,而我就梗係最愛甜品啦.....佢d芒果拿破崙,Tiramisu好好味,梳乎里又唔太甜,甜品好ok呀!!

今晚d相so far ok,全用細機.....阿妹仲好俾面係daddy生日終於叫我媽媽啦....一歲開始叫daddy,未夠歲半叫我,好感動.....(哈哈!!)

一開始就梗係要食左D正餐食既野先啦......乖乖食完呢碟飯,就可以食甜品,Tasha為左食甜品,梗係清晒先啦!!!問佢飲唔飲橙汁,佢話唔飲,因為驚會食得太多甜野咳咳,究竟係乖乖定係留返個肚食甜品....呢??哈哈

小小攝影師影既.........都唔洗懷疑佢既技術....仲成日要我擺post....

阿妹癡daddy既程度就好似一塊貼身膠布一樣,daddy一出去攞野食,就係咁搵daddy......真係"怨"氣

又係姊妹裝.......係姑媽買比兩姊妹架......阿妹而家仲可以著6-12個月既衫......真係"奀"妹!!!

**********************************************************************

聽日係Daddy既正日生日,雖然要係工作中渡過,但我地都準備左生日旦糕慶祝

聽晚再見.................