為 可 口 可 樂 拍 攝 廣 告

阿 Sa 和 William 今 次 寓 工 作 於 娛 樂 ， 一 邊 拍 廣 告 ， 一 邊 打 邊 爐

8/2/2009<日>東方日報

阿Sa擒擒淥變孖潤腸

阿Sa  早 前 夥 拍 師 弟 陳 偉 霆 （ William ） 為 可 口 可 樂 拍 攝 廣 告 ， 由 於 廣 告 內 容 是 圍 繞 打 邊 爐 ， 於 是 阿 Sa 名 正 言 順 可 以 邊 食 邊 開 工 ， 更 被 熱 辣 辣 的 肥 牛 搞 到 變 「 孖 腸 」 。

繼 去 年 鄭 中 基 為 可 口 可 樂 拍 攝 廣 告 後 ， 最 近 緋 聞 女 友 阿 Sa 和 師 弟 William 再 度 以 開 心 價 酬 勞 拍 攝 新 一 輯 的 廣 告 。 廣 告 中 阿 Sa 和 William 與 半 百 臨 記 在 酒 樓 內 打 邊 爐 ， 阿 Sa 說 ： 「 今 次 成 件 事 都 好 開 心 ， 一 邊 做 一 邊 飲 飲 食 食 ， 個 感 覺 好 自 在 ！ 」

阿 Sa 眼 見 面 前 太 多 美 食 ， 亦 老 實 不 客 氣 狂 起 筷 ， 不 過 一 時 興 奮 過 度 ， 將 熱 辣 辣 的 牛 肉 一 放 入 口 ， 把 她 的 朱 唇 燙 到 「 紅 卜 卜 」 ， 慘 變 成 「 孖 腸 」 ， 引 到 現 場 工 作 人 員 都 忍 不 住 大 笑 。

捧 住 個 肚 走
William 亦 表 示 很 高 興 可 以 接 拍 此 廣 告 ， 他 說 ： 「 估 唔 到 今 次 廣 告 可 以 搵 到 錢 仲 可 以 食 餐 飽 ， 真 係 好 開 心 ！ 」 William 在 拍 攝 時 顯 得 極 度 雀 躍 ， 不 時 做 出 鬼 馬 表 情 ， 認 真 交 足 戲 ！ 整 個 廣 告 拍 攝 了 大 半 日 ， 最 後 更 令 阿 Sa 和 William 食 到 捧 住 個 肚 走 ， 阿 Sa 仲 大 叫 ： 「 嘩 ！ 好 飽 呀 ！ 」

阿 Sa 和 William 一 邊 拍 攝 一 邊 大 擦 火 鍋 ， 寓 工 作 於 娛 樂

鄭 中 基 早 年 也 為 可 口 可 樂 拍 廣 告 ， 內 容 圍 繞 香 港 地 道 的 飲 食 文 化

廣 告 中 ， 阿 Sa 要 在 鏡 頭 前 擺 出 大 吃 大 喝 的 甫 士

8/2/2009<日>蘋果日報

率 50 臨 記 烚 烚 銀
阿 Sa 邊 食 邊 拍 似 足 鄭 中 基

阿Sa  近 日 和 陳 偉 霆 拍 攝 可 口 可 樂 廣 告 ， 以 打 邊 爐 為 主 題 ， 有 關 方 面 製 作 認 真 ， 在 酒 樓 擺 下 海 鮮 邊 爐 宴 ， 讓 他 們 一 邊 拍 一 邊 吃 ， 碰 巧 阿 Sa 的 緋 聞 男 友 鄭 中 基 早 年 也 為 可 口 可 樂 拍 類 似 廣 告 ， 認 真 有 緣 。

暫 時 單 拖 發 展 的 阿Sa 甚 受 廣 告 商 歡 迎 ， 堪 稱 新 一 代 廣 告 天 后 ， 早 前 她 夥 拍 師 弟 陳 偉 霆 （ William ） 拍 攝 可 口 可 樂 廣 告 ， 以 打 邊 爐 為 廣 告 主 題 ， 描 述 阿 Sa 和 William 跟 大 班 朋 友 打 邊 爐 吃 喝 玩 樂 ， 更 分 別 在 酒 樓 和 大 牌 檔 取 景 ， 有 關 方 面 為 求 逼 真 ， 準 備 了 新 鮮 海 鮮 火 鍋 。
阿 Sa 和 William 實 行 寓 工 作 於 娛 樂 ， 一 邊 拍 攝 一 邊 大 吃 大 喝 ， 吃 得 津 津 有 味 ， 即 使 導 演 叫 cut ， 他 們 也 不 停 下 來 ， 食 到 不 停 口 。

William 賣 口 乖

其 實 阿 Sa 並 非 首 次 跟 可 口 可 樂 合 作 ， Twins 初 出 道 時 已 為 他 們 拍 過 廣 告 。 對 於 再 次 合 作 ， 阿 Sa 表 示 很 開 心 ， 她 說 ： 「 最 開 心 係 可 以 一 邊 拍 一 邊 打 邊 爐 ， 同 William 以 及 成 班 近 50 個 後 生 仔 女 一 齊 拍 一 齊 烚 烚 ， 成 個 拍 攝 過 程 都 好 開 心 。 」
至 於 William 則 賣 口 乖 指 自 幼 已 是 這 個 品 牌 的 忠 實 fans ， 故 當 知 道 有 機 會 拍 廣 告 ， 感 到 相 當 興 奮 。 阿 Sa 的 緋 聞 男 友 鄭 中 基 早 年 也 為 可 口 可 樂 拍 攝 電 視 廣 告 ， 當 日 同 樣 以 香 港 地 道 飲 食 文 化 為 主 題 ， 認 真 巧 合 兼 有 緣 。

阿Sa和William被熱辣辣的美食搞到彈起，非常搞笑

阿Sa與師弟陳偉霆邊拍廣告，邊歎美食

8/2/2009<日>太陽報

接鄭中基棒拍汽水廣告
為食阿Sa歎肥牛慘變孖潤腸

早前阿Sa與同門師弟陳偉霆（William）齊齊拍攝可口可樂新一輯廣告，廣告內他們要打邊爐勁飲勁食，為食的阿Sa把熱辣辣的肥牛放入口，令她嘴唇即時變紅，而William亦被「熱氣」搞到「噴火」，真是熱到彈起！

最近阿Sa接緋聞男友鄭中基棒，與師弟William再度為可口可樂拍攝全新一輯廣告，二人對今次酬勞非常滿意。由於今次廣告主題圍繞打邊爐，故他們到酒樓進行拍攝，筵開四、五席，並邀逾半百年輕人齊齊拍攝，氣氛熱鬧。阿Sa與William眼見滿美食都非常興奮，阿Sa說：「今次成件事都好開心，一邊做一邊又飲又食，個感覺好自在！」為食的他們更急不及待把剛烚熟、熱辣辣的牛肉放入口，阿Sa熱到紮紮跳，嘴巴更即時變紅，而William更熱到面容扭曲，現場工作人員也忍不住大笑，令整個拍攝過程充滿歡樂氣氛！

William大賣口乖
由於拍攝過程維持了大半日，不斷狂歎美食的阿Sa也大叫：「好飽呀！」而鬼馬的William更大賣口乖說：「我一直都係可樂迷，今次知道有得邊拍邊食好，仲要同埋咁大班年輕人一齊，真係好正！」拍攝時阿Sa與William都甫士表情多多，絕對交足功課，難怪廣告商對他們讚不絕口！