有錢又變無錢啦

　　終於係極煩既情況下，拎返ｄ人工，如果唔煩佢，真係唔知要等到幾時，我每日８點左右就打去搵周小姐，問佢有錢拎未，我超急錢用。

　　上星期４果時就拎得返啦．．．

　　點知，有錢就衰左啦．．．我琴日買左機票啦～＄１９２１，有朋友贊助我三百大元，咁就變左係＄１６２１，都可以啦，玩１４日，又要係來回程，個價都唔太高！

　　真好，我身邊的朋友都好錫我！

　　今日仲衰，同呀澤出街，去左加州，成龍做代言人果間健身中心，咁就做左會員，仲簽左１８個月，手續費加月費，一次過俾＄８９５，今日俾左＄４９９訂金。

　　仲幫埋呀澤俾訂金。

　　之後個個月就俾＄２９８，１０月３１日因第１次做自動轉帳，仲要俾多＄１１９．２。真係超煩。

　　返到屋企，原來我媽玩果個，一個月都係＄２６４，我又俾人呃左．．．保險又係咁，健身又係咁．．．乜我真係咁蠢？咁易俾人呃？

　　諗起個個月都要俾＄８９０＋＄２９８＝＄１１８８，個個月無野做都要倅＄１１８８呀！超抵死！