重新開始

尋日竟然主動打番俾michael約時間食飯, 繼而講及unique. 佢覺得可能我這隻花蝴蝶太多約會了, 大多不只有女還有男的, 好容易讓他不安, 所以才會出現這種情況. 聽完傾完感覺終於舒服番d...心情都無以前咁沉重.

當然我都有後悔, 當日12號做咩吾去俾紫微斗數問下我地兩個夾吾夾. 好似好多事都係整定我吾應該去問咁, 明明12號當日都無事, 係夜晚先黎發作, 好啦...諗住近近地搵屯門果個天橋底陳伯, 點知又可以次次去親都無開檔, 但每次我同unique行過就有開.真神奇.

夜晚我同媽咪照舊講開佢, 媽咪又提...又話吾係睇吾起佢做髮型師, 但係得屯門好極有限啊, 又話你睇舅父佢老黎無錢幾慘, 無前途又吾識投資.... 我真係立即發好大脾氣, 我話: 而家我地拍拖得兩個月又吾係老公你吾鍾意d咩遮? 十個有九個都話2010年先係老公, 你到時米睇下係米佢先講呢d囉! 而家你個女番工放工都想有個男友陪下係米吾得先! 你咁講吾通我會而家立即同佢分手咩? 都講過就算我要結婚都5年後囉! 你米睇下到時係米佢囉! 做咩每次你提起佢都要話吾鍾意先! 你吾鍾意關我咩事先, 而家你拍拖定我拍拖啊? 可吾可以吾好再講呢個話題啦? 我地未結婚啊! 拍拖咋!

又出奇地媽咪妥協了. (吾知可以維持幾耐)

夜晚12點45分佢打俾我, 以乎真係好吾開心, 我立即聽個電話扮精神, 其實早就訓到死豬了....

然後佢就開始講28號出show既野. 其實佢一直都想俾機會公司既新師父同埋junior上台吸收經驗, 所以講左一個主題出黎俾佢地自由發揮, 亦吾想局限佢地創意, 但以乎吾係咁多人接受到呢一套. 工作兩面睇佢得罪所有共事既人, 就連老闆都吾發表意見. 簡單黎講全公司只有佢一個吾擔心個show搞吾搞得成, 但其他同事就做極都做吾到佢要求, 有d仲要無品走左去吾玩, 令到個show岌岌可危.

在我角度我明白佢苦心, 佢自己一個人根本有能力做哂所有野, 問題佢吾想自己一個人壟斷成個hair show, 佢想下屬有參與, 佢想下屬有自己創意可以係公開場合發表, 令到自己有代表作, 而吾係由一個senior將佢既思想套係自己身上. 不過我實在太明白...其實有些人做事得過且過, 無必要都吾好煩, 亦吾見得好有大志. 如果真心想有番作為, 就吾會由四月搞到五月今時今日, 都連model都未搵好.

同時我又好明白他的同事不肯跟他好好合作的原因...其實係深深感受到既, 連跟我溝通都可以咁大法官, 更可以想像工作上佢我行我素既時候, 對方既吾明白佢既要求. 唯有到左28號他做出黎既作品, 真正令佢地心服口服, 先可以保住佢既地位啦...

我地最後傾到一點半...好彩第2日五點report aircraft可以訓耐d, 收左線就訓得好好...因為我地應該真正無事啦, 大家心病隨住呢個電話應該可以消失. 聽日五點飛上海, 17號上海番黎再做多個廈門turnaround...九點先番到屋企, 到果陣媽咪好開心展開佢既東歐之旅啦~