意大利電訊公司

意大利最common既電訊公司有vodafone, tim 同wind.

我本來係用開vodafone, 但係最近見到wind有promotion, 用手機打電話返中國都只係5仙一分鐘, 超平呀! guido同我講不如轉用wind啦, 咁你就算返緊學, 上唔到網都可以打返香港同屋企人傾電話.

我唸下, 都好喎. 但係問題係究竟香港包唔包括係 '中國' 呢? 我係意大利住咗咁耐, 都知佢地啲陰濕嘢, 為免被人扼, 都係問清楚先好轉, 如果香港無呢個優惠, 咁我就唔轉啦!

過兩日, 我地行過duomo見到wind既門舖, 就入去問問.

店員: 你好, 有乜幫到你?

vita: 我見到有個promotion, 請問香港包唔包括係中國呢?

店員: 咁香港係唔係中國呀?

vita:  (嘩, 你問返我轉頭呀?) 理論上香港是在中國的.

店員: 咁係就應該包架啦!

vita 心想... '嘩, 你都好似咁唔肯定咁, 我都係唸唸先.'

再過兩日我地又去咗屋企附近既wind問問, 點知情況同之前既一模一樣.

唉, 咁轉就轉啦! (手續費為€10, 但€5可以用作電話credit.)

第二日, 即刻急不及待試下打返香港, 點知只係傾咗3分鐘, 扣咗我€4呀!

知後即刻打去個customer service問問, 佢話 '我唔係咁清楚喎, 你明日再打嚟問啦!'

下... 咩嘢服務, 你customer service都唔清楚??

之後第二日再問.... 如我所料 --- 香港唔包括在中國之內 (點解成日都俾人話我地香港係中國, 但一到咗呢啲位, 又唔當香港係中國呢?)

無promotion, 我轉wind做乜呢?