產後心情

由謙謙出世到而家, 已經12個星期了. 初初六個星期, 有媽媽幫我, 照顧我. 由於我在唔願意既情況下開刀, 所以一直耿耿於懷.

開刀既傷口, 郁既時候好痛, 有好多動作都唔做得住 (例如: 爬起度訓, 申懶腰......), 起身又痛, 所以所有動作都要好慢. 沖涼又要就住. 總之, 覺得自己成個廢人咁. 如果唔係媽媽返來照顧我, 我諗我會患產後抑鬱症

坐月既時候, 我一直都好擔心自己湊唔掂BB, 但媽媽總會返美國, 幫得我一時, 唔幫得我一世. 我總要自己面對. 我心諗, 以前媽媽一個人起屋企湊我們幾姊妹都係咁啦, 一樣無人幫佢.

限期到了, 媽媽返左去. 我決定放假期間自己湊, 遲D返工就日頭比奶奶湊, 夜晚自己湊. 其實, 船到橋頭自然直, 湊得多, 慢慢就唔驚.

初初自己湊謙謙時, 佢生奶癬 & 頭泥, 我媽媽見到facebook D相, 就話我唔識湊, 搞到佢咁....其實起佢心目中, 成日覺得我唔識湊, 湊得唔好, 無心機湊......, 成日覺得我懶理, 有乜都叫個老公做.

後來, 謙謙D奶癬 & 頭泥慢慢好返, 一路一路成長, 佢真係好得意, 自己感到欣慰. 有時會諗, 好想全職湊佢