廣華"飲糖水"

2月24日(星期二), 呀B有20 weeks 1 days大了.

今日一早起身, 無食野, 無飲水去廣華醫院 ”飲糖水” (一個測試有沒有糖尿病既test)

7:45am我同DD已經去到醫院, 今次唔係去平時產檢既地方, 係去產科病房. 為左保障病人休息, 所以只係比太太入去, 而陪既老公就要起出面等.

我入到去已經見到有幾個媽媽到左. 之後仲有好多人來, 有成廿人來 ”飲糖水”. 等到8點, 姑娘就來到. 首先同我們抽第一次血, 之後就自己去拿一杯 ”糖水” 飲, 杯糖水好鬼甜 (超甜檸水), 不過比我想像中好. 一路飲時, 姑娘叫我們慢慢飲, 因為飲得太快會好易嘔. 我好好彩, 無暈, 無嘔, 無唔舒服. 等所有媽媽抽完血後, 姑娘就叫我們兩個鐘後返來, 再抽埋第二次血先可以走, 呢兩個鐘內唔可以食野 & 飲水.

之後, 我出去搵DD. 我們帶左D書來, 睇下書, 傾下計, 去樓下行下….. 好快就過左呢兩個鐘.

10點左右, 姑娘同我抽埋第二次血後就走得, 最後, 姑娘話如果唔合格, 會兩日內打電話來, 如果合格就唔會通知.

希望呢兩日唔會收到電話啦.