講到咁巴閉，噙日去咗試下(K11銀座梅林)

近派聖誕節好多街去，無乜上blog，不果有好嘢，咁就梗喺推下啦！無收錢架。

 嗰間喺K11商場新開既《(銀座梅林—吉列豬扒專門店》，被「飲食男女」評為城中至好，講到咁巴閉，噙日去咗試下，首先間嘢好鬼難揾，幾好嘢！佢話喺K11，但又唔可以喺K11行過去，要上咗地面再由另一鬼鬼鼠鼠既加拿芬道入口落去，上上落落行餐死先到，問你死咪

  到咗啦！嘩！成十幾人喺度等緊，門口個日本呀叔話要等成個鐘先有位！！唔喺嘩！！好想食呀！！無計等喇，唔週圍行啦！噙日電髮用捱咗12個鐘！好攰

等十幾二十分鐘記有位，入到去坐低，唓！明明有幾張吉枱，又唔俾客，玩嘢！搞咁大龍鳳，扮人龍店呀！咪理鬼佢，叫嘢先！

                                          明太子沙律

     梅林串炸(6款蝦、帶子、豬扒、免治豬、鵪鶉蛋、芥菜梗)

                薑燒豬扒定食都好正，但唔喺主打菜，差咗人氣

                                  必吃名物—黑豚豬扒定食

     塊黑豚扒真喺好正成吋厚好香好脆啲飯喺日本越光米，粒粒完整好靚好香，日本食要￥3,800，而家$158咋！仲有要醒呀！椰菜好爽脆，免費任加，白飯都喺呀，有本事食多幾碗都得唔，使加錢，好抵公斤日本越光米成百幾蚊架   

最衰通風唔掂！油煙成身味！如果由地鐵K11入口去，認住隻老虎左轉上就喺啦，唔使四圍揾啦！埋單$450！