唔湊米氣的海C9

話說上年年尾抺香鯨一家三口 , 原本快快樂樂 , 點知抺香鯨公搞搞陣 , 偷搭鯊魚女 , 搶心又搶金 , 成副身家冇晒 ; 屋漏偏逢連夜雨 , 抺香鯨女正值反叛年齡 , 又識埋不上進的海象仔 , 搞到温温鄧鄧 , 學又時返時唔返 , 屋企就當酒店...............總之就是家門不幸啦 !

咁我們成班保育人士約埋海豚 , 一齊去抺香鯨屋企燒野食 , 想住海豚以過來人身份開解下抺香鯨乸, 原本安排妥當 , 但世事就係咁往往出乎意料之外。

以下是過住海豚曾經救抺香鯨的片段:http://www.youtube.com/watch?v=GYaVECFYBWo

意外一 , 原本魔鬼魚約了海豚去 , 點知魔鬼魚發現在屋企以外的水域撒網後大有斬獲 , 馬上游去收網 , 將約海豚的重任交給石班 , 石班又傻下傻下 , 啩著等抺香鯨收工 , 就冇約到海豚。

意外二 , 不唔湊米氣的海C9 : 我們成班人浩浩蕩蕩咁去到抺香鯨屋企 , 在外面透爐BBQ , 啱啱開始 , 隔離住的海C9經過 , 其中一位保育人士就口多多咁話一齊燒啦 !(你知呢D通常都是客套的說話)  點知這位海C9應了一聲"好呀" 就帶埋2隻百厭到甩碌小海C9女來一齊食 , 仲要登堂入室咁車輪轉 , 對於我最怕小朋友的人 , 簡直是無比的折磨。終於頂不住全晚冇咩點發言的我 ,  12:00pm 宣告打道回府 。

亞海C9你知唔知約埋成班人是幾咁難 ? 你明唔明我們約埋想住吹水, 唔係招呼你地3母女 ? 知同你唔啱咀型你"得"在度人地唔知講咩好 ? 你明唔明....................算啦 !

海C9是應該面皮厚 !