大病初愈。。。

话说上个礼拜四早上，我揸车出去办D事。

因为闷热，我就开冷气。可能个电池有少少问题，几次死左火。

咁我就将冷气又开又关。。。（最后，中暑啦）

中午就觉得头赤赤，越来越痛，无办法做事，于是乎请病假返屋企。。。

一路训到第日，根本起唔到床，成个人瘫晒咁。因为天气个关系，我以为系冷亲而发烧，所以就食左发烧药同感冒药。。。。

病一直未好转，我又行唔出门口去搵医生。

训系床上，好难受。

坐响度，更加难受，倒不如训低罢啦。

第三日，始终未有好少少。感觉真系生不如死啊！酷热，日头想训返个好觉又唔得~~

第四日，好似有些少好转，听日应该可以返到工啦！谢天谢地！

响屋企休息左几日，有D唔想返工添。。。

不过，生活仍是要继续，所以工仍是要返。

我都唔知写呢篇嘢做咩~~~可能得我自己睇个明挂~~哈哈！

唔知点解，呢排成日觉得时间真系过得好快好快~~

眨吓眼，夏天过左一半啦，我都仲未有机会去海边玩。

今日又系香港回归周年日，11年啦！我感觉《始终有你》前个排先至听到，点解11周年又到左？

岁月不饶人！

好握好时间，做多D有意义有价值嘅事吧啦！