黑色的一星期!

剛剛過去的一星期是我由出來做事最不開心,最黑暗的一星期, 這是由於在7月頭來了新總經理, 原以為他的來臨是一件好事, 可以為我擋一擋CEO, 因我不用再report給CEO, 而report給新總經理, 但經過一個月後, 發現自己想錯了, 經過上星期, 更加對他, 對公司沒再存什麼希望, 原不想寫出來, 因為會有很多"25" 睇到而傳到上頭, 但實在太不開心了, 忍不住要寫下來.

星期一開sales meeting, 俾新GM罵到金, 話我冇事先問佢意見就答應客人, 佢即掟筆, 話唔知點Approve, 要我搵返CEO符, 我忍, then 佢又話我地冇common sense, 即係話我地冇腦啦等等, 根本唔明白所有就係咁罵, 好似有人得罪佢而發洩係我地身上, 中途我終於忍不住, 我喊了, 當時真有衝動寫resign letter, 但一想到自己resign大拿拿冇咗筆錢, 唔著數而忍住, 到meeting尾升, 佢宣佈大陸4個BD由9月1 日開始直接reprt俾佢, 根本對我同Winnie冇咗一份尊重.

星期二, GM上咗大陸, 同其中3個開會, 當然我地已在星期一知會佢地, 叫他們分一分account, 然後星期四再上去傾.

星期三, CEO要我同Winnie開會, 傾現有客戶的status, 再一次講部門的structure, 我係負責TWR.

星期四, 開了一個小會, 要係星期五交3-yr biz plan,  然後留下我, "通知"我, 話要炒去xx 的clerk同香港的clerk, 我聽後晴天霹靂, 冇咗佢地邊個入單, 根本冇可能, 當然大陸剩餘的3個女仔話如果炒咗xx clerk 後, 佢地根本會忙到接唔到其他account, 佢先話留番低.  根住以美麗的謊言同佢地講有美好的future.

星期五, Idy, Winnie同我繼續游說佢留下香港的clerk, 但佢堅決不肯, 只可留多少少時間, 另外, 又炒去pdd既阿頭, 都唔知第時點同客人傾technical問題.

被炒的人走時係帶著開心離開, 可留下的只有苦笑, 幾時可以好似佢地咁開心地離開呢?