任務完成

今晚,Mo生突然約左上次九龍灣樂雅苑業主再睇樓,其實之前佢都有提過下,不過就未約實,臨時下午先打黎,說己約好並決定今晚傾價錢,佢仲帶埋做裝修既叔叔去幫手睇

呢個業主只是裝修了2年,叔叔睇完後,說其實佢既料都幾好,唔洗大執,只是油下就OK,業主亦企硬個價唔肯減,說送埋所有大型傢私電器給我們,我們其實只係想要吉樓,由於價錢仍是有點兒over 我們之前預的budget,於是希望業主能再減價,最後業主set既價錢,高過我們預定既幾萬蚊,我就打俾媽咪叫佢上埋黎一齊睇............過左一陣,媽咪亦坐小巴上到黎,加上呢度好近我媽咪屋企(只是5分鐘路程),睇完都覺得OK..........所以,我們決定買這裡了!!!而我們見佢既梳化和table都麻麻地,加上兩張床我們也不會要舊的,所以叫業主搬走埋佢,佢點都唔肯,我們又唔想比錢叫人搬,所以最後由個agent負責呢單野!!!基本上既傢私已齊全,大櫃/電腦桌/廚櫃/雪櫃/洗衣機/電視機都包埋,我地可慳番唔少~~2月尾業主便會正式搬出,只要到時油下牆,買張床和梳化,我們便可搬入去住了,不過未知會否在婚期前搬入去,或者都係到時差唔多到9月份先搬入去

估唔到咁快就完成了最艱巨的任務!!!!!!!我們兩個都是不喜歡拖泥帶水的人,所以結婚上很多要搞既野,我們也是快快決定,一切都比我們想像中完成得快左,現在餘下的只是一些小事未搞如搵花車/化妝小姐/plan rundown等等.......

3月起就要開始供樓,黎緊我都會慳一點,唔可以再好似以前咁狂買野了~~